නිර්මාණාත්මක රචනය

නිර්මාණාත්මක රචනය 

නිර්මාණාත්මක රචනය යනු අද්විතීය චින්තන ශෛලියකි එසේම අර්ථ ගොඩනගන හෝ ප්‍රකාශ කරන ක්‍රමයකි. නිර්මාණාත්මක රචනයේ දී පුද්ගලදී පුද්ගල අදහස් දියුණු කිරීම සොයාගැනීම විශේෂයෙන්ම අපේක්ෂිත ය. එසේ ම නොයෙක් ආකාරයේ විවිධාකාරයෙන් ඉදිරිපත් කරන්නේ කෙසේද යන්න මෙහිදී විශේෂයෙන් සැලකිල්ලට ගැනේ. 

ඕනෑම නිර්මාණයක දී අදාළ රචකයා මුලින්ම අදාල නිර්මාණය සඳහා යෝග්‍ය  වස්තුවිෂය සොයා ගනී නම් ප්‍රේමය , විප්‍රයෝග දේශානුරාගය පරිසර වර්ණය භක්තිය ජීවන දෘෂ්ටිය ස්වභාව සෞන්දර්යය ආදිය කෙරේ අවධානය යොමු කෙරේ. පසුව තෝරාගන්නා වස්තු විෂය වස්තුවිෂය ස්වකීය ප්‍රතිභාව අනුව නිරවුල් වූ නිවැරදි භාෂා භාවිතය තුළින් තුළින් මනාව ඉදිරිපත් කරයි. ඉදිරිපත්කරයි මෙහිදී භාවපූර්ණ වචනය යොදා ගැනීම අදාල නිර්මාණය අලංකාරත්වය ට හේතුවේ.

එහෙනම් අපි සාකච්ඡා කරමු කවිය කියන්නේ මොකක්ද කියලා. 

"රසය ආත්මය කොටගත් වැකිය කවියයි" 

විශ්වනාථ පඬිවරයානම් භාරතීය පඬිවරයෙක්  මෙම වදන ප්‍රකාශ කොට ඇත. 

"රමණීය අර්ථ ප්‍රතිපාදනය කරන වචනය කවියයි" 

මෙම වදන ප්‍රකාශ කර ඇත්තේ ජගත් නාථ නම් භාරතීය පඬිවරයෙකි. 

සාහිත්‍යයේ කලා නිර්මාණ ක්ෂේත්‍රයේ දැඩි අවධානයකින් යුතුව හා බහුල වශයෙන් කතාබහට ලක්වන ඒකකය කවියයි. පුරාණයේ පටන්ම වැඩි අවධානයකින් යුතුව වූ මෙම කාව්‍ය නම් නිර්මාණාත්මක සන්නිවේදන මාධ්‍ය ශ්‍රව්‍ය මාධ්‍යයකින් ශබ්ද මාධ්‍යයන් මගින් ගායනා කෙරෙන විට ශ්‍රව්‍ය  මාධ්‍යයක් වුවත් ලිඛිත මාධ්‍යක් වශයෙන් ලේඛනගත වී මුද්‍රණයට පත් වූ විට මුද්‍රිත මාධ්‍යයක් වෙයි. සෙසු මාධ්‍ය අතරින් ගීතයට යම් ඥාතීත්වයක්  ඇත්තේ කවියට බව සැබෑවකි. ඊට හේතුව ගීතයක් නිර්මාණය වීම සඳහා හැමවිටම කාව්‍යාත්මක වචනයක් යොදා ගැනීමයි. (Poetry , verse) සහ ගීතය (lyrics) අතර පවත්නා වෙනස්කම් කීපයක් ද සරලව පිඬු කළ හැකිය. 

එසේ නම් එය කවිය සහ ගීතය අතර තිබෙන  අන්‍යෝන්‍ය ස්වාධීනත්වය කෙසේද යන්න විමසා බලමු.

ඒක පුද්ගල කලා මාධ්‍යයක් ලෙස මේ කවිය අර්ථකථනය කළ හැකි අතරම   භාව කේන්ද්‍රය හා බුද්ධි කේන්ද්‍රීය සඳහා වූ කලාවක් ලෙස අර්ථකථනය කළ හැකි ය.

කවිය හරහා අර්ථ ධ්වනිය ට ප්‍රමුඛත්වයක් හිමිවේ . එසේම භාෂා භාවිතයට සීමා මායිම් නොමැති කමක් කවිය තුළ දක්නට ලැබේ. 

තමන්ට සුදුසු ආකෘතියක් භාවිතා කිරීම කවියා සතුව ඇත . කවිය තුළ ධ්‍රැවපදය හෙවත් පුනපුනා ගයන කොටස අනිවාර්ය නැත.  එසේම දිගු බව හෝ කෙටි බව වශයෙන් ප්‍රමාණය පිළිබඳව සම්මතයක් කවිය තුළ දක්නට නොලැබේ. ඒ සඳහා සංකීර්ණ ගැඹුරු අනුභූතියෙන් වහල් කරගත හැක. 

ගීතය ප්‍රධාන වශයෙන් ම සාමූහික කලා මාධ්‍යකි. ශ්‍රවණේන්ද්‍රිය පළමුවද භාවේන්ද්‍රීය   හා බුද්දේන්ද්‍රීය දෙවනුව ද සලකා බලන කලා මාධ්‍යකි. එසේම ගීතය තුළ ශබ්ද ධ්වනියට මුල්තැන හිමිවේ.

භාෂාව භාවිතයට සපුරාම සීමාසහිතය ඔවුන්ට භාවිතය සඳහා අවසර ලැබී ඇත්තේ සුගේය හෙවත් මැනවින් ගැයිය හැකි බස්වහරක් පමණි. ආකෘතිය සංගීතඥයා සතු වෙයි. ධ්‍රැවපදය හෙවත් පුන පුනා (refrain ) ගැහෙන කොටස අනිවාර්යය වේ. 

නාට්‍ය කර්තෘවරුන්ට හැර ලේය කාව්‍ය රචකයාට ප්‍රමාණය ගැන සම්මතයක් ඇත. ගේය කාව්‍ය සරල අත්දැකීම් පාදක කොට ගනී. 

Wijesinghe WAKN 

Arts (sp) Mass Media 

University of Colombo 

තිරසාර සංවර්ධනය

තිරසාර (ධරණීය) සංවර්ධනය

තිරසාර (ධරණීය) සංවර්ධනය යනු මුලිකවම පරිසරයේ පවත්නා සම්පත් වලින් ප්‍රයෝජනය ගන්නා අතරම අනාගතය සඳහා ද ඒවා සුරැකීමයි.මේ අනුව ධරණීය සංවර්ධනය යන්නෙන් පවත්නා සම්පත් වර්තමානයේ ප්‍රයෝජන ගැනීම, එවා සංවර්ධනය කිරීම මෙන්ම,අනාගත පරපුරේ අවශ්‍යතාවයන් සඳහාද ඒ සම්පත් යම් ප්‍රමාණයකට ආරක්ෂා කිරීමත් අදහස් වේ.අනාගතය සඳහා සම්පත් සුරකීමේදි යම් ප්‍රමාණයකට හෝ වර්තමාන අවශ්‍යතා කැප කිරීමට සිදුවිය හැකිය.

ධරණීය සංවර්ධනය පිළිබද සංකල්පය සකස් වි ඇත්තේ චිරාත් කාලයක් තුළ එකිනෙකට ප්‍රතිවිරැද්ධ දෙසට ඇදි ගිය ධාරා දෙකක් එක් පොදු දිශාවකට යොමු වීම මගිනි.එවා නම් මානව කේන්ද්‍ර ගත භෞතික සංවර්ධනය පිළිබද චින්තන ධාරාව හා ජෛව කේන්ද්‍රගත වු පරිසරය සංරක්ෂණය පිළිබඳ චින්තන ධාරාවන්ය.පශ්චාත් යුධ සමයේදි ඌන සංවර්ධිත ලෝකය යනුවෙන් හැදින්වුණු වත්මන් තුන්වන ලොව රටවල් කාර්මිකරණය කිරිම පිළිබඳ ප්‍රශ්නය සංවර්ධනය යනුවෙන් හදුන්වන ලදි.එහිදි කැපි පෙනුන මුලික ලක්ෂණය නම් උණ සංවර්ධිත ලෝකය සංවර්ධනය කිරිම යනු සංවර්ධිත රටවල‍ටම ආවේනික කාර්මිකරණයේ අනුරුවක් බවට පත් විය යුතු බව විනා තෙවන රටවල පරිසර, සමාජ, ආර්ථික හා සංස්කෘතික තත්වයන්ට ගැලපෙන සංවර්ධනයක් විය යුතු බව අදහස් නොවීමයි. සංවර්ධිත රටවල් අනුගමනය කෙරුනු දේශපාලන මතවාද සංවර්ධනය වෙමින් පවතින රටවලට බලපෑවේ විවිධාකාර ලෙස වුවද සංවර්ධනය පිළිබඳ සමස්ත චින්තනයම හුදු ආර්ථික පාරාමිතින්ම පදනම් කර ගත් එකක් බව පොදුවේ දක්නට ලැබේ.අනෙක් අතට පාරිසරික චින්තනය ඇසුරින් මතුවී ආ ප්‍රධාන කරුණ වුයේ සංවර්ධිත රටවල කාර්මිකරණය‍‍ තුල ඇති වු විපත් පිළිබඳව කතා කිරීමයි.එබදු තත්වයක් සංවර්ධනය විරෝධි එකකි.මේ තත්වය යටතේ මෙම චින්තන ධරා දෙක එකිනෙකට ප්‍රතිවිරුද්ධ විය.සංරක්ෂණ වාදින් ගත් කළ සංවර්ධනය විරෝධින් වශයෙන් සංවර්ධනය පරිසරයේ සතුරෙකු ලෙසද සිතිමට තරම් අන්තගාමි තත්වයකට ඹවුන්ගේ එම චින්තනයන් සකස් වී තිබුණි.මෙම අන්තගාමි තත්වයන් දෙකෙහිම සාරය මුසු කොට ගත් විසදුමක් කරා යොමු විමට ධරණීය සංවර්ධනය නම් සංකල්පය බිහිවින.

WAKN Wijesinghe 

University of colombo 

Sri palee campus 

මොකද්ද මේ සංගීත චිකිත්සාව කියන්නේ

මොකද්ද මේ සංගීත චිකිත්සාව කියන්නේ

1991 වසරෙදි බෘෘෂියා විසින් එය හඳුන්වා දී ඇත්තේ “චිකිත්සකයා සංගීතය හා එහි සියලු අංගයන් භාවිත කරමින් රෝගීන්ට ඔවුන්ගේ සෞඛ්‍ය වැඩි දියුණු කිරීමට , ප්‍රතිෂ්ඨාපනය කිරීමට හෝ නඩත්තු කිරීමට උපකාරී වන අන්තර් පුද්ගල ක්‍රියාවලියක්” ලෙසිනි.

පසුකලකදී එනම්, 1998 දී ඔහුම එහි විකල්ප අර්ථ දැක්වීමක් ඉදිරිපත් කරමින් කියා සිටියේ සංගීත චිකිත්සාව යනු, "ක්‍රමානුකූල මැදිහත් වීමේ ක්‍රියාවලියක්" ලෙසයි. 

එංගලන්තයේ කැන්ටබරි ක්‍රයිස්ට් චර්ච් විශ්වවිද්‍යාලය මගින් 2011 වසරේදී පළ කරන ලද පර්යේෂණ ලිපියක දැක්වෙන්නේ, "මානසික සහ ශාරීරික සෞඛ්‍ය ගැටලු පවතින පුද්ගලයින්ට ගායනයෙන් සහනයක් ලැබෙන බවයි" ඔබටත් පුළුවන් ඔබගේ පවුලේ ආදරණීයයන් එක් කර ගන්මින්  ඔබට ඇවැසි අවස්ථාවකදී සංගීත භාණ්ඩ යොදා ගනිමින් ගීත ගායනය සිදු කළ හැකිය.

එය පවුලෙහි මානසික මට්ටම ව්‍යාකූලත්වයට පත් කර නොගැනීම සඳහා කදිම පිළියමකි.

 අධ්‍යතනයෙහි දී සංගීත චිකිත්සක වරැන් දක්නට ලැබේ. තමන් සංගීත චිකිත්සකයකු ලෙස හැඳින්වීමට බොහෝ දෙනා කැමැති වනු ඇතත් එම බලපත්‍රය ලබා ගැනීමෙන් තොරව පිළිගත් මට්ටමින් එහි නියැළීමට නොහැකිය.

සංගීත චිකිත්සාවෙන් ලැබෙන ප්රයෝජන" යනු කුමක්ද? ඔබ සංගීතයට කැමති නම්, ඔබට හැඟෙන ආකාරය පිළිබඳ වැදගත් වෙනසක් කළ හැකි බව ඔබ දන්නවා. නමුත් මානසික අවපීඩනයෙන් පෙළෙන අයට හෝ කනස්සල්ලෙන් සිටින අය වෙනුවෙන් වෙනසක් කළ හැකි දේ දැනගැනීමට ඔබ පුදුමයට පත් වනු ඇත. මෙම පුද්ගලයින් සඳහා ඔවුන්ගේ සෞඛ්යය වැඩි දියුණු කිරීම සඳහා සංගීතය භාවිතා කළ හැකිය.

ආතතිය ඕනෑම වයසක සිටින අයකුට ඇති විය හැකි තත්ත්වයකි. හුදෙකලා වීම නොතකා හැරීම වැනි නොයෙක් තත්ත්ව නිසා අසරණභාවයට පත් වන්නන් ඉන් අසහනයට පත්ව සිය දිවි නසා ගන්නා මානසික තත්ත්වයකට පවා ඇද වැටේ. එය වළක්වාගත යුතුය. මානසික ව්‍යාකූලතාව නිසා ප්‍රශ්නවලට මුහුණපාන අවස්ථා කොතෙකුත් වාර්තා වේ. විනාඩි 3 – 4 ක ගීතයක් සංගීත ඛණ්ඩයක් රසවිඳි පමණින් එවැනි මානසික තත්ත්වයක සිටින අයකු යථා තත්ත්වයට පැමිණේවි යැයි අපේක්ෂා කළ නොහැකිය. අදාළ පුද්ගලයාගේ මානසික තත්ත්වය ගැන හොඳ අවබෝධයකින් යුතුව මෙය ක්‍රියාත්මක කිරීමට සිදු වේ. බටහිර වෛද්‍ය විද්‍යාවට අනුව පැරසිටමෝල් ලබා ගැනීමෙන් උණ හිසරදයට සහනයක් ලද හැකි බවට විශ්වාසයක් ද ගොඩනැඟී තිබේ. 

මෙලෙසට පුද්ගලයා ප්‍රිය කරන සංගීත ශෛලිය හඳුනා ගනිමින් මෙය ක්‍රියාවට නැංවිය යුතුය. එමෙන්ම පවුලේ පසුබිම හා සංගීත රුචිකත්වය ද අදාළ කරගත යුතු වේ. ඉන්දියානු රාගධාරී සංගීතය ප්‍රිය කරන අයකුට බටහිර සම්භාව්‍ය සංගීතය විඳීමට සැලැස්වීමෙන් ඔහු තව තවත් ආතතියට ලක්විය හැකිය. චිකිත්සකයකු මේ පිළිබඳ මනා අවබෝධයකින් ක්‍රියා කළ යුතු වන්නේ එබැවිනි. විවිධ සංගීත ශෛලීන් සහ සම්ප්‍රදායන් ගැන චිකිත්සකවරයකුට දැනුවත් බවක් තිබිය යුතු වන්නේ මේ නිසාය. සංගීත චිකිත්සාව හා වෛද්‍ය විද්‍යාත්මක ජනසංගීතය පිළිබඳ තවමත් අපේ රටේ ප්‍රමාණවත් අවබෝධයක් හෝ දැනුමක් ගොඩනැඟී නැත. ආචාර්ය උපාධි අධ්‍යන  කටයුතු සඳහා විදේශගතව සිටින වෛද්‍ය ශිෂ්‍යයන් හට හෝ නොයෙක් පුදගලයන් හට මෙම සංකල්පය සහ ක්‍රියාවලිය සම්බන්ධයේ කිසියම් හෝ ඥානයක් අතපත් කර ගැනීමට අවස්ථාව ලැබේ. එලෙස ලබාගත් දැනුම අප රටේ පරපුරත් සමඟ බෙදා හදා ගැනීම අත්‍යවශ්‍ය කාරණයකි. විශේෂයෙන්ම වත්මන් විශ්වවිද්‍යාල ප්‍රජාව සමඟ කටයුතු කිරීම වැදගත් වේ. මෙම සංකල්පය තවදුරටත් සාකච්ඡා කිරීම හරහා මෙරට විවිධ ක්ෂේත්‍රයන් තුළ  ඇති විවිධ පුද්ගලයන් තුළ ඇති අක්‍රමිකතා මැඩ පවත්වා ගනිමින් සමාජ සංවර්ධනය ක්‍රියාවලියෙහි අරමුණ මුදුන් පමුණුවා ගැනීම කළ හැකිය. 

විජේසිංහ ඩබ් . ඒ . කේ . එන්

ජනමාධ්‍ය අධ්‍යනාංශය 

කොළඹ විශ්වවිද්‍යාලය 

ශ්‍රී පාලි මණ්ඩපය 

අවලස්සන ජීවිතය සුන්දර කරගත හැක්කේ ඔබට පමණකි

අවලස්සන ජීවිතය සුන්දර කරගත හැක්කේ ඔබට පමණකි  

ලස්සන අරාබි කියමනක් තියෙනවා..

   ඔබට මැරෙන්න ඕනෙද??එහෙනම් මුහුදට පනින්න 😥ඔබ ඔබේ උපරිම ශක්තිය යොදලා වතුර එක්ක පොර බදයි..බේරෙන්න උත්සහ කරයි..මොකද, ඔබට ඕනෙ ඔබව මරන්න නෙමෙයි..ඔබ ඇතුලෙ තියෙන යම්කිසි දෙයක් මරන්න..😧 සාර්ථකත්වය ගැන,හොද ව්‍යාපාරික අදහස් ගැන,ස්වභාවධර්ම නීති ගැන කතා කරන්න කලින්, මුලින්ම ඔබ ඔබේ හිත හදාගෙන ඉන්න ඕනෙ..❤🥀

        

                      මොකද ,, හම්බෙන කෙනෙක් එහෙම නැත්තම් එන මැසේජ් එහෙකින් පවා හුගක් දෙනෙක් අහන්නනෙ .. #කොහොමද_හිත_හදාගන්නෙ ???? 🤷🤷මනෝ විද්‍යාව පසුවිපරම් කරන කෙනෙක් විදියට.. හැමෝම දිහා බලද්දී.. තේරුම් යන එකම දේ෴ "මට හිතට වද දෙන  ගැටළුවක් තියෙනවා" කියලා කීවත්,,කවුරුත් කියන්නෙ නෑ තමන්ට තියෙන ගැටළුව මොකක්ද කියලා 🤔🤔

        ඔබ කියන්නෙ මට වැඩ කරන්න හිතෙන්නෙ නෑ මට කම්මැලි,මට වැඩ කරන්න ඕනෙ හැබැයි වැඩි ආසාවක් නෑ,මං අතරමං වෙලා වගේ..මට නින්ද යන්නෙ නෑ 😧😥මගෙ ඔළුව අවුල් වෙලා වගේ හැබැයි හේතුවක් දන්නෙ නෑ... 🤦🤦

          හේතුව ඔබ දන්නවා 💆හැබැයි ඔබට කියාගන්න බෑ..ඉතින් මම විශ්වාස කරනවා..මේ..ඔයා කාටවත් නොකියන ජීව්තයෙ ඔබෙ පතික්ෂේප වීම් වල විවිධ මුහුණුවරවල්..💆මේ ඔබේ ජීවිතේ වේදනාකාරී බැදීම් නිසා ඇති උනු හිස් විනාශකාරී මානසිකත්වයන්ගේ විවිධ මුහුණුවරවල්..😧😫ඇයි අපි එහෙම කියන්නේ??මේ ලෝකෙ මිලියන ගානක් කෝටි ගානක් මිනිස්සුන්ගෙ මානසික මට්ටම් අරගෙන පරීක්ෂණ කරත්,හැගීම් ,දැනීම් තියෙන අවංක මනුස්සයෙක්ගෙ ලොකුම සතුට තමයි තමන් ආදරය කරන අය තමන්ව පිලිගැනීම 🧚🧚 

          ඒ සැනසීම ඔළුවෙ තියාගෙන මිනිස්සුන්ට මේ ලෝකෙ කරන්න බැරි දෙයක් නෑ.💆❤ මේ ලෝකෙ අමාරුම කන්ද තරණය කරන්න පුළුවන් , මේ ලොකෙ බිහිසුණුම මුහුද හරහා පීනන්න පුළුවන් , හැබැයි ....ඒ වගේම තමයි අනිත් පැත්තත්.මනුස්සයෙක්ට දැනෙන්න පුළුවන් ලොකුම දුක තමයි තමන් ආදරය කරන අය තමන්ව පිලි නොගැනීම.😭

   මගහැරීම .. ඒ වගේ බිදුණු  මානසිකත්වයකින් අමාරු කන්දක් නගින්න තියා..දෙපයින් හිටගෙන ඉන්නත් අමාරුයි🌺

මුහුදක් තරණය කරන්න තියා වතුර උගුරක් දිවෙන් පහලට දාගන්නත් අමාරුයි🌺 කිසිම වැඩක් නොකර ඔයාට වෙහෙසක් දැනෙන්නේ ,ලෝකෙ කොයි අතට දිව්වත් ඔයාට ඇදේ මුණින් අතට හැරිලා ඔහේ ඉන්න හිතෙන්නෙ , ඔයා ඉන්න තැනක් අස් කරගන්නැත්තේ,ඇදුමක් හේදගන්නෙ නැත්තේ,..ඔයාට ඒ පුංචි දේවලුත් මේ වෙලාවෙ හුගක් ලොකුවට දැනෙන නිසා  🍁🍁🍁🍁  

           ඔයා මේ වෙලාවෙ මේ ලෝකෙ කොහෙ හිටියත් මේ ගතවෙන හැම දවසකම,තප්පරේකම ඔබෙ බැදීම් වල හිනාවන් වලට වඩා තියෙන්නෙ කදුලුනම්,ජෝක්ස් වලට වඩා තියෙන්නෙ ෆයිට්ස් නම්.. ඔයාගෙ හදවත හොදින් කියලා හිතපු දවස් වලට වඩා කලකිරුනු දවස් වැඩි නම්.😭😥 ඔයා ආදරය කරපු පලියට එයාලට ඔබව විනාශ කරන්න අයිතියක් නෑ..⚔️⚔️

ඔයා හැමදාම ඒ අයට ආදරේ කරනවා..එයාලගෙන් ආදරේ ලැබෙයිද නොලැබෙයිද කියන එක නෙමේ ගැටළුව..#මොනවා_උනත් කියන තැන ඔයා හැමදාම ඉන්නවා .. ඒඅයගෙන් කිසිම දෙයක් නොලබාම ඔයා විතරක් ආදරේ කරන්න ගත්තාම ඔයා කරන දේ හරියට යුතුකමක් වගේ වෙනවා.ඒ කියන්නෙ ඔයා කරන ආදරේට පෙරලා ආදරයක් ලැබෙනවා වෙනුවට ඔයා යුතුකමක් ඉෂ්ඨ කරන කෙනෙක් ගානට වැටෙනවා ... එතකොට ඔයාට නිකන්ම ලේබල් එකක් වදිනවා මෙතන තමයි ආදරේ ලැබෙන තැන..මම ආදරේ නොකලත් එතනින් තමයි මට ආදරේ ලැබෙන තැන..ඉතින් මිනිස්සු හිතන්න පටන් ගන්නවා ලේබල් කරනවා මේ විදියට..

          🌺🌺අපිට අවශ්‍ය වෙලාවට ආදරය බෙදා හරින එක තමයි මෙයාගෙ ජොබ් එක 🌺🌺

              මිනිස්සු විශ්වාස කරන්න පටන් ගන්නවා ඒකට තමයි ඔයා ඉපදිලා ඉන්නෙ කියලා.නෑ... ඔයත් ආදරය ලබන්න සුදුසුයි ❤❤ඔයා ආදරය කරනවා වගේම ඔයාටත් ආදරය ලැබිය යුතුයි.ආදරය දෙපැත්තෙන්ම සමබර වෙන්න ඕනෙ.ඔයා හොද හුස්මක් පහලට හෙලන්න..දිගටම කරන්න..තව තව ... ඔයාට දිගටම මෙහෙම ඉන්න පුලුවන්ද???බෑ 🧘 ඔයා හුස්ම ඉහලට ගන්න තව ගන්න ..දිගටම ගන්න.. දිගටම මෙහෙම හුස්ම තද කරන් ඉන්න පුළුවන්ද??අනේ බෑ..🧘මොකද බැලන්ස් නෑ 🤷🤷ඔයත් කරන්නෙ බැදීමක් ඇතුලේ තනියම කැපකිරීමක් නම් කොහොමද ඒක praයෝගික වෙන්නෙ??ඔයා පපුව පිරෙන්න ආදරේ දීලත් ඒ අයට මදිනම් ඔයා ඉන්නෙ වැරදි තැනක..😔😔

                

          ඔයාට ඔවුන්ගේ අවධානය සහ වටිනා කාලය වෙනුවෙන් යදින්න වෙනවනම් ඔවා ඉන්නෙ සුදුසු තැනක නෙමෙයි .. ඔයා පුංචි දේටත් හිත රිදවගන්න කෙනෙක් කියලා දන්නවනම්,දැන දැනම ගානක් නෑ වගේ ඉන්නවනම් ඔයා ඉන්නෙ සුදුසු තැනක නෙමේ 🌺 නිදාගන්න ගිහින් GN කීවට පස්සෙත් ඔයා අඩන බව දැන දැනම එලි වෙනකම් ඇඩුවත් කමක් නෑ කියලා ඉන්නවනම්..ඔයා ඉන්නෙ සුදුසු තැනක නෙමෙයි ..ඔයාලා විනාශ වෙනවා බලන් ඉන්න එක එයාලට OK නම් ඔයා ඉන්නෙ සුදුසු තැනක නෙමේ 🌺

❤❤ ඔයාගෙ වටිනාකම අවබෝධ කරගන්න.ඔබ මීට වඩා බොහොම වටින දේවල් ලබන්න සුදුසු කෙනෙක්.🍁ඔබ සුවපහසු වැලදගැනීමක් ලබන්න සුදුසුයි.❤🧚නලලට ආදරණීය හාදුවක් ලබන්න සුදුසුයි.සෙනෙහස පිරුණු හිස පිරිමැදීමක් ලබන්න සුදුසුයි.සරලවම ඔයා විදවන්න,කලකිරෙන්න නෙමේ සතුටින් ඉන්න සුදුසු කෙනෙක්..

ඉතින් දවසක් එනවා.. 

🧚🧚🧚🧚ඔවුන්ට ඔබේ වටිනාකම දැනෙන දවසක් එනවා..අන්න එදාට ඔයා ඊටත් වඩා වටින කෙනෙක් වෙලා ඉන්න 🧚🧚🧚🧚

උපුටා ගැනීමකි 

වඩා ⁣යහපත් ජීවතයක් ගත කිරීම සඳහා අආකර්ශනීය නීතිය භාවිතා කරන්න

උපුටා ගැනීමකි

ආකර්ෂණීය නීතිය 

  සිතුවිලි සහ හැඟීම් අපගේ අත්දැකීම් නිර්මාණය කර ඇති අතර, අප අවධානය යොමු කරන දෙය අප වෙත අවධානය යොමු කරවන දෙයකි, එය න්යායක් ලෙස දීර්ඝ ඉතිහාසයක් ඇති නමුත් "රහස", ඔත්රා, සහ අනෙකුත් ජනමාධ්ය ආයතන. එය වැඩ කිරීමට හේතුව වෙනස් න්යායන් තිබේ ද, ඔබ ද දැනුවත් විය යුතු අතර , මානසික ආතතිය ඉවත් කිරීමේ ආකර්ෂණය සහ ආකර්ෂණය කර ගැනීම සඳහා ඔබට ආකර්ෂණය වන නීතියේ මූලධර්ම භාවිතා කළ හැකිය.

(මම එය මගේ භාවිතය හා මගේ පෞද්ගලික ජීවිතයේදී භාවිතා කර ඇත, එය එය මා වෙනුවෙන් වැඩ කර ඇත.) පහත සඳහන් පියවර මඟින් ඔබ සිතන්නේ අඩු පීඩනයකින් යුත් ජීවිතයට ඔබ යොමු වනු ඇත.

ඔබේ කලකිරීම් ලැයිස්තුගත කරන්න

ඔබ කලකිරී සිටින හෝ ඔබේ ජීවිතයේ වෙනස්කම් කිරීමට කැමති දේවල ලැයිස්තුවක් සාදන්න. උදාහරණයක් වශයෙන්, ඔබගේ ආතති සම්බන්ධ ගැටලු , ඔබේ දරුවන්ගේ හැසිරීම හෝ ගැටුම්කාරී තත්වයන් ඇතුළත් විය හැකිය.

ධනාත්මක ලැයිස්තුව ලැයිස්තුගත කරන්න

ඊළඟට ජර්නලයක් පටන් ගන්න . ඔබගේ එක් එක් තත්වය සඳහා, ඔබගේ තත්වය තුළ ධනාත්මකව සිතිය හැකි සියල්ල සොයා ගන්න. නිදසුනක් වශයෙන්, දුෂ්කර කාර්යයක් මගින් ආදායම්, නිර්මාණාත්මක අභියෝග හෝ පෞද්ගලික වර්ධනයට වාසි ලබා ගත හැකිය; උදාහරණයක් ලෙස ඔබගේ ඉවසීම පුළුල් කිරීමට වාහනය විය හැකිය. (අඩුම තරමින්, ඔබට එය ඔබගේ ජීවිතයේ කිරීමට කළ යුතු දේ නොවේ යයි වටිනා තොරතුරු ඔබට ගෙන එයි!)

ධනාත්මක ආකල්පයක් පවත්වා ගන්න

මෙය හුදෙක් ඔබේ මුහුණේ සිනහවක් තැබීමට අදහස් නොකරයි; ඔබ දැනටමත් සතුව ඇති දේට කෘතඥපූර්වකව වැඩ කිරීමට අදහස් කරන අතර, ඔබ විශ්වාස කරන්නේ කුමක් ද යන්නයි.

ඒක හරි: ඔබේ අඩුපාඩුකම් ගැන හැඟීම්, හැඟීම් හා සාරධර්ම ගැන ඔබේ අවධානය යොමු කරන්න. ඔබේ අනාගතය, දෙවියන් වහන්සේ හෝ විශ්වය තුළ ඔබම විශ්වාස කරන්න. ඔබේ ජීවිතයේ යම් වෙනස්කම් සිදු කළ හැකි බව ඔබ දනී.

වඩා හොඳ ජීවිතයක්

ඔබගේ ජීවිතයේ දී ඔබට අවශ්ය දේ පිළිබඳ දෘෂ්ටි ප්රතිරූපයක් ගොඩ නැංවීම සහ නඩත්තු කිරීම (ඔබ කැමති නැති දේ මත අවධානය යොමු නොකර ) ධනාත්මක වෙනස්කම් හා අවස්ථාවන් ආකර්ෂණය කර ගැනීම සඳහා බලවත් ක්රමයක් විය හැකිය.

ඔබගේ ජීවිතයේ කැමති දේ පිළිබඳ සවිස්තර ලැයිස්තුවක් සාදන්න. දෛනිකව වාඩිවෙන්න, ඔබේ නව ජීවිතය පෙනෙන ආකාරය සහ මෙම වෙනස්කම් ඇති බව හැඟී යන ආකාරය නිරූපණය කරන්න.

සිතන්න, සිතන්න, පනත

ඔබේ සිතුවිලි, හැගීම් සහ හැසිරීම් ඔබේ අරමුණු කෙරෙහි අවධානය යොමු කිරීම, ඔබේ තත්වය සමඟ ඔබේ කලකිරීම්වලට වඩා, ඔබේ ඍණාත්මක හැඟීම් කෙරෙහි අවධානය යොමු කිරීමට වග බලා ගන්න. ඔබේ ස්වයං-කතාව ධනාත්මක සහ ශුභවාදීය; ඔබට අවශ්ය ජීවිතය පිළිබිඹු කරන සෑම දිනකම දෘශ්යමාන කිරීමට සිදු වේ. ඔබේ ක්රියාකාරී සැලැස්ම මත වැඩ කරන්න. ඔබ මෙය කරන්නේ නම්, ඔබට අවශ්ය ජීවිතයේ ඉක්මන් ප්රගතියක් ලබා ගත යුතුය.

ඉඟි

1. ඔබේ සිතුවිලි ඔබ ධනාත්මක ප්රකාශයන් සාදාගන්නා ආකාරයෙන්, ඔබට කලකිරී සිටින දෙයට වඩා ඔබට අවශ්ය දේ මත අවධානය යොමු කිරීමෙනි. 
2. ස්තුති සඟරාවක් තබා ගන්න, ඔබ ඔබ කෘතඥ වන්නේ ඔබ සටහන් කරන ස්ථානයයි. ජර්නලයට වැඩි සෞඛ්ය හා මානසික ආතතියන් ඇති කළ හැකි වන අතර, මෙම පුහුණුව වැඩිදියුණු කිරීම සඳහා ඉඩ සලසා දෙන කෘතවේදී ආකල්පයක් වර්ධනය කිරීමට උපකාරී වේ.
3. ඔබේ සිතුවිලි ඔබේ ජීවිතයට බලපාන්නේ කෙසේදැයි ඔබ නොදනී නම්, ඔබේ සිතුවිලි රටාවන් මෙම සුභවාදී විවේචනය සමඟ ඇගයීමට ලක් කළ හැකිය.
4. කුමක් පිළිගන්නද? ඔබේ ජීවිතයේ ඔබ කැමති නැති දේවල් ගැනත් සෑම දෙයක්ම වෙනස්කම් කිරීමටත් සෑම දවසකම වැය කිරීම වෙනුවට නරක මෙන්ම යහපත සමඟ කටයුතු කිරීමට උත්සාහ කරන්න. මෙය ඔබගේ ජීවිතයේ ධනාත්මක වෙනස්කම් සිදු නොවන බව එයින් අදහස් නොවේ. එය හුදෙක් ඔබ සෑම දිනකම ඔබේ කලකිරීම් කෙරෙහි අවධානය යොමු නොකරයි. ඔබ කැමති දේ වෙත ප්රගතියක් ලැබෙන අතරේ ඔබ සමඟ සමාදානය ඇති කර ගනී.

කායික හා මානසික ව්‍යාකූලත්වය සමනය කරන සංගීත චිකිත්සාව.

උපුටා ගැනීමකි

කායික හා මානසික ව්‍යාකූලත්වය සමනය කරන සංගීත චිකිත්සාව

ලෝකයේ දියුණු යැයි සම්මත බොහෝ රටවල් සංගීතය නම් මානව කලාංගය බොහෝ කායික හා මානසික ව්‍යාකූලතාව සුවපත්භාවයට යොදා ගන්නවා වගේම අද වන විට රෝග නිවාරණය කිරීමේ චිකිත්සක ක්‍රමයක් ලෙස ද ප්‍රචලිතව පවතිනවා.

බුද්ධ දේශනාවට අනුව සුවය (Relax)අත්විඳීමට නොහැකි වූ විට මිනිසාට නොයෙකුත් ගැටලුකාරී තත්ත්ව මතු වෙනවා. ඒ අනුව ඔබ අප ප්‍රියකරන සංගීතයෙන් ලබන වින්දනය සිතට සහනයක් සලසයි.

මානසික මෙන්ම කායික රෝගාබාධ හමුවේ අද වන විට සංගීතය චිකිත්සාවක් ලෙස යොදා ගන්නා අතර එහි ප්‍රතිඵල පර්යේෂණ වලින් සනාථ වී තිබේ.

කොවිඩ් 19 හෙවත් කොරෝනා වසංගතය ලොව පුරා ජන හදවත් භීතියට පත්කර සමාජයම නිවසට කොටු කර ඇති මෙවන් සමයක මානසිකව මෙන්ම කායික ව ඇති වෙන පීඩා දුරුකර සුවපත්භාවය ලබා රෝග වලටද සහනයක් ලැබීමට සංගීත චිකිත්සාව දායක කර ගැනීම ඉතාම වැදගත්.

ඒ නිසාම අද වන විට නිවස තුළ රැදෙන කොළඹ නගරාසන්න තට්ටු නිවාස තුළ සාමාන්‍ය ජනයා වෙනුවෙන් ඔවුන්ගේ ඇති වන මේ මානසික චිත්ත පීඩා දුරුකරලීමට වගේම රෝහල්වල නේවාසික ප්‍රතිකාර ලබන ආසාදිතයන්ගේ මේ වයිරසය නිසා ඇතිවන සංකූලතා මගහරවා ගැනීමට හමුදාව හා සෞඛ්‍ය සේවා කණ්ඩායම් ගීතයන් ගයමින් ඔවුන්ව සනසන අයුරු ඉතාමත් අනර්ඝයි.

අද නූතන වෛද්‍ය පර්යේෂණ වලින් සංගීත චිකිත්සාවෙන් ඇති වන ප්‍රතිලාභ ඔප්පු කර ති⁣බෙනවා.

 

• මොකද්ද මේ සංගීත චිකිත්සාව කියන්නේ.....?

1991 වසරෙදි බෘෘෂියා විසින් එය හඳුන්වා දී ඇත්තේ “චිකිත්සකයා සංගීතය හා එහි සියලු අංගයන් භාවිත කරමින් රෝගීන්ට ඔවුන්ගේ සෞඛ්‍ය වැඩි දියුණු කිරීමට , ප්‍රතිෂ්ඨාපනය කිරීමට හෝ නඩත්තු කිරීමට උපකාරී වන අන්තර් පුද්ගල ක්‍රියාවලියක්” ලෙසිනි.

පසුකලකදී එනම්, 1998 දී ඔහුම එහි විකල්ප අර්ථ දැක්වීමක් ඉදිරිපත් කරමින් කියා සිටියේ සංගීත චිකිත්සාව යනු, "ක්‍රමානුකූල මැදිහත් වීමේ ක්‍රියාවලියක්" ලෙසයි.

සංගීතය යන්න හඳුන්වා ඇත්තේ සෞන්දර්ය කලාව සමඟ සම්බන්ධ රිද්මයානුකූල සීමා හා ශබ්දය මාධ්‍ය කරගත් සංස්කෘතිය හා සම්බන්ධ විෂයක් වශයෙනි.

එසේම යම් පිළිවෙතක සකස් කරන ලද ශබ්ද වල එකතුවක් ලෙසද සංගීතය හඳුන්වා තිබෙනවා.

බ්‍රිටැනිකා විශ්වකෝෂයට අනුව සංගීතය යන්න හඳුන්වා ඇත්තේ "චිත්ත වේගයන්හි භාවමය ප්‍රකාශනය සඳහා ඇතිකරගනු ලබන, එමෙන්ම කටහඬින් සහ තූර්ය භාණ්ඩවල ශබ්ද ධ්වනියෙන් බිහිවෙන රමණීය ශබ්ද මාධූර්යය " ලෙසයි.

සංගීතයට යම් අයකුගේ මනසට මෙන්ම හදවතට සෘජු ලෙස ආමන්ත්‍රණය කරමින් පවතින මනෝභාව අභිප්‍රේරණය කිරීමටත්, නව ධනාත්මක සහ වින්දනාත්මක මනෝභාවෙ ජනනය කිරීමටත් විශේෂ හැකියාවක් ඇති නිසා එය මානසික ආබාධ සුව කිරීමේ පදනම ලෙස යොදාගෙන තිබේ.

එංගලන්තයේ කැන්ටබරි ක්‍රයිස්ට් චර්ච් විශ්වවිද්‍යාලය මගින් 2011 වසරේදී පළ කරන ලද පර්යේෂණ ලිපියක දැක්වෙන්නේ, "මානසික සහ ශාරීරික සෞඛ්‍ය ගැටලු පවතින පුද්ගලයින්ට ගායනයෙන් සහනයක් ලැබෙන බවයි" .

එම පර්යේෂකයින් සඳහන් කර ඇත්තේ, "බරපතළ මානසික සෞඛ්‍ය ගැටලුවලට පවා සමූහ ගායනය තුළින් සැලකිය යුතු ප්‍රතිලාභ අත් කර ගත හැකි" බවයි.

ඔබටත් ඔබේ පවුලේ ආදරණීයන් එකතු කර ගෙන උදේ ,සවස හෝ රාත්‍රී කාලයක ඔබ ප්‍රිය කරන සංගීත භාණ්ඩද යොදා ගනිමින් ගීත ගායනය සිදු කළ හැකිනම් අනර්ඝයි. මෙහිදී සංගීත භාණ්ඩයක් නැත්නම් ඔබට ගෙදර උපකරණ නිර්මාණශීලීව යොදා ගත හැකියි.මෙසේ ගායනය තුළින් ඔබේ පවුලේ සතුට , සමගිය වර්ධනය සමග මානසික පීඩාවන්ද දුරුවී පවුලේ බැඳීමද වර්ධනය වේ.

රුසියානු ජාතික මනෝ වෛද්‍යවරුන් දෙපළක් වන වෛද්‍ය එස් .ගුරෙච්චි හා එච්. චාල්චනිකා පවසනුයේ කිසියමි පුද්ගලයකු සංගීතයට සවන් දෙන විට සිත කේන්ද්‍ර කර ගනිමින් සිදුවන ශාරීරික මානසික වෙනස්කම් රාශියක් ඉවත් වන බවයි.

මිනිසාගේ පැවැත්ම හා විකාශය රඳා පවතින්නේ වෛද්‍ය විද්‍යාව හා සංගීත විද්‍යාවේ සුසංයෝජනය මතයැයි දක්වන අතර සංගීතයේ දී යොදා ගන්නා රිද්ම තරංග වල නාද සංයෝග වල පවත්නා ඩෙසිබෙල් ප්‍රමාණය අනුව මිනිසා මෙන්ම මිහිකත වායුගෝලය ආරක්ෂා වේ‍ෙ

මානව සංගීතය ආකාර දෙකක් ඔස්සේ ප්‍රබේදනය වේ.

*භාව සංයමදාරී සංගීතය (Sentimental tranquilizing music)

මිනිසාගේ මානසික හා කායික සෞඛ්‍යය හා පැවැත්ම කෙරෙහි විපුල මෙහෙයක් ඉටු කරනු ලබයි. මේ සංගීතය ශ්‍රවණ⁣යේ දී කිසියම් වින්දනීය ආශ්වාදයක් තුළින් මානසික සංයමයක් සමතුලිතභාවයක් හා ප්‍රබෝධයක් ගෙනදෙයි.

*භාව ප්‍රකෝපකාරී සංගීතය (Sentimental provocative music )

මිනිසාගේ සෞඛ්‍යය කෙරෙහි පැවැත්මට විශාල හානියක් සිදුකරනු ලබයි. මේ සංගීත ක්‍රමය අන්තර්ගතව ඇත්තේ අධික ඝෝෂාකාරී රිද්මගත හා නාද සංකලනයයි.

 

• නින්ද හා සංගීත

සියලුම රෝගාබාධ මෙන්ම මානසික කායික සුවය ලබා ගැනීමට ඇති එකම මිල කළ නොහැකි ලාභයකි සුවබර නින්ද. සුවපහසු නින්දක් නොලැබීමට ඉතාමත් කාර්යබහුල ජීවන රටාව බලපායිත එහෙත් අද වන විට ඒ කාර්යබහුල ජීවන රටාව නැත. මානසික කායික අවපීඩන තත්ත්ව වගේම නොසන්සුන් බව නිසාත් නින්ද තරමක් දුරස් වී ඇත. එයද සුවපත් නිරෝගී දිවිය පිරිහීමට හේතුවකි. සුවපත් නින්දට හොඳම ඖෂධයක් ලෙස භාව සංයමදාරී සංගීතය (sentimental tranquilizing music )බොහෝ පිටුවහලක් වනු ඇත .

"ගායනය" කිරීමේ කිරීමේදී ඇතිවන ශාරීරික ක්‍රියාකාරකම් නිසා ශරීරය තුළ Endorphins නැමැති හෝමෝන මුදාහැරේ. මනස තුළ සතුට ඇති කිරීමට උපකාරී වන හෝමෝනය එයයි.

ගායනය කෙරෙන අවස්ථාවේදී අපට ගැඹුරු ලෙස ස්වසනය කිරිමට සිදුවන අතර එමගින් සිරුර පුරා රැධිර සංසරණ වේගය වැඩි වේ . Endorphins හෝමෝනය වැඩි වන්නේ එහි ප්‍රතිඵලයක් ලෙස ය.

සංගීත චිකිත්සාවේදී සිදුවන්නේ හෘදය ස්පන්දනය හා ස්වසනය පාලනය කරන ස්වං සිද්ධ ස්නායු පද්ධතිය වෙත බලපෑම් ඇති කිරීමයි.

ස්වං සිද්ධ ස්නායු පද්ධතිය කොටස් දෙකකින් සමන්විතයි. මෙය අනුවේගී (sympathetic) හා පාරානුවේගී (parasympathetic) වශයෙන් කොටස් 2කට අයිතිය. සංගීත බලපෑම ලැබෙනුයේ අනුවේගී කොටසටයි.

අධ්‍යයනයකින් හෙළි වී ඇත්තේ මිනිත්තු 40ක කාලයක් සමූහ ගායනයක නිරත වීමෙන් කෝටිසෝල් නැමති මානසික ආතතිය (Stres ) ඇතිකෙරෙන හෝමෝනය ශීඝ්‍රයෙන් අඩුවන බවයි.

ගායනය කිරීමේදී පෙනහලු ආබාධ සහිත පුද්ගලයන්ට ස්වසන හැකියාව වැඩි වීමත් ඩිමෙන්ෂියා වැනි රෝගී තත්ත්වයන්ට සහනයක් ලැබීමත් සිදුවන බව පර්යේෂකයන්ගේ මතයයි.

පෙනහලු ආබාධ නිසා හටගැනෙන ඇදුම රෝගයේ සිට පෙනහලු පිලිකා දක්වා රෝගීන් වෙනුවෙන් ගායන වැඩමුළු පවත්වන මයින්ඩ් සෝන්ග් ආයතනයේ චිකිත්සක අංශයේ අධ්‍යක්ෂක මැගී ග්‍රේඩ් පවසනුයේ 'ගායන වැඩමුළු පහක් හෝ හයකට සහභාගි වූ පසු ඇතැම් රෝගීන්ගේ ආශ්වාස ප්‍රශ්වාස කිරීමේ හැකියාව පැහැදිලිව යහපත් වූ බවයි.’

නූතන හෘදය රෝග පිළිබඳ කරනු ලබන බොහෝ වෛද්‍ය මෙහෙයුම් ඖෂධ හා ප්‍රතිකාර ක්‍රමවේද අතර හෘදය රෝගීන් සුවපත් කිරීමෙහිලා සංගීතය එක්තරා ප්‍රතිකාර ක්‍රමයක් ලෙසින් යොදා ගනු ලබයි.

හදවත් රෝග හා ලේ ගමනය පිළිබඳව දීර්ඝකාලීන පර්යේෂණයන්හි නියැළුණු රුසියානු ජාතික වෛද්‍යවරුන් සොයා ගත්තේ ඩොජියල් සංගීතය ශ්‍රවණය කිරීමෙන් මානසික ආතතීන් මග හැර ගත හැකි බවත් රුධිර සංසරණය හා රිද්මය නිවැරදි වන බවත්ය.

සංගීත ස්වභාවය, රිද්මය, තානය හා නාදමය හැඩ මත සිරැරේ වෙනස්කම්, හෘද ස්පන්දනීය රිද්මයේ විපරිත තත්ත්ව ඇති වේ.

ඝෝෂාකාරි වූ අධික රිද්ම තරංග සංගීත ශ්‍රවණය වීමෙන් එනම් ප්‍රකෝප සංගීතයේ ප්‍රතිඵලයක් ලෙසින් පුද්ගලයන්ගේ භාවමය සිත ප්‍රකෝපය, පුද්ගල සිරැරේ නාඩි වේගය, හෘද ස්පන්දනීය රිද්මලතාව මෙන්ම මාංශ පේශීන්ගේ චලනය ද, අධික රුධිර පීඩනය හා ලේවල සීනි ප්‍රමාණය ඉහළ යාම සිදුවන බව ජීව විද්‍යා පර්යේෂණ පෙන්වා දෙයි.

එමෙන්ම රම්‍යවූත් සුරම්‍යවූත් සංගීතය ශ්‍රවණය කිරීමෙන් සුබ දායක වූ බොහෝ ප්‍රතිඵල මානවයාට ලැබේ.

විශේෂයෙන් මෘදු නාද සංයෝග හා ඝෝෂාකාරී නොවන රිද්ම රටා මඟින් මිනිස් ආතතීන් මගහැරී යයි. ආතතීන් අවම වීමෙන් සිත නිදහස් වේ. රුධිර පීඩනය සමතුලිත වේ.

මේ අනුව මිනිස් සිරුරේ බොහෝ ක්‍රියාකාරකම් කෙරෙහි පුද්ගලයා වින්දනය කරන සංගීතය සෘජුවම බලපෑම් කරනු ලබයි.

 

• යෝග දර්ශනය හා බැඳුණු සංගීතය

වර්තමානයේ දී යෝග දාර්ශනික කායික හා මානසික ලිහිල් භාවය ඇති කරන යෝග අභ්‍යාස ප්‍රගුණ කිරීමේදී ඊට ගැළපෙන උදම් රළ හඬ, ගලායන දිය පහරවල්, වැසි ජලයේ හඬ, කුරුලු හඬ, සංගීත භාණ්ඩ (බටනලා වයලීනය, සර්පිනාව) වැනි නාද යෙදීම හා ඊට අමතරව යෝග ප්‍රගුණ කිරීමේ දී යොදා ගන්නා " ඕම් " කාරය ,ගයත්‍රී වැනි විවිධ මන්ත්‍ර මෙන්ම විශේෂයෙන්ම භක්ති යෝග තුළින් දක්වන දෙවියන් වෙනුවෙන් භක්තිය වඩවන භජන්, කීර්තන් ගායනා ද මනසේ ශක්තිය අවදි කිරීමටත් ,මනස ශක්තිමත් කිරීමේ අරමුණිනුත් යොදා ගැනේ.

 

• සිරුරේ ප්‍රතිශක්තියට සංගීතයේ බලපෑම

 

මිහිරි සංගීත ඛණ්ඩ සවස් කාලයේ හා රාත්‍රී කාලය තුළ ඇසීම තුළ පර්යන්ත ස්නායු පද්ධතිය මගින් නිපදවන නයිට්‍රජන් ඔක්සයිඩ් (NO) ප්‍රමාණය වැඩිවීම නිසා විශේෂයෙන්ම විවිධ බැක්ටීරියා හා වයිරස් ආසාදන වලට සිරුරට මුහුණදීමේ හැකියාව වැඩිවන බවත් , එනම් සිරුරේ ප්‍රතිශක්තිය වැඩිවෙන බවත් සොයාගෙන ඇත.

සිරැරේ හෝමෝන අසමතුලිතතා පාලනයට සංගීත චිකිත්සාව යොදා ගැනේ. එය සිරුරේ උෂ්ණත්වය සමනය හා ආවේගකාරී සිතුවිලි එනම් ආයුර්වේදයෙහි සඳහන් රජස් හා පිත් කෝපකාරී ගති ලක්ෂණ පාලනයට විශේෂයෙන් ශාන්ත, කරුණා රසයන් මතු කරන පූර්වී රාගය, මර්මා හා භෛරවී රාගයන් උපයෝගී කරගැනීම ඵලදායි වන බව සොයාගෙන ඇත.

විවිධ භාව උද්දීපනය කිරීමෙන් එනම් කරුණ රසය, වීර්යය රසය වැනි දුක් දොම්නස් පහ කරන්නාවූ රසයන්ගෙන් යුත් කාෆි හා ආශාවරී රාගයන්ගෙන් සැදුණු සංගීතය විශේෂයෙන්ම වාත දෝෂය බලපාන්නාවූ සවස් කාලයේ ඇසීමට සැලැස්වීම වඩා ඵලදායි බව නවීන තාක්ෂණික පර්යේෂණ මගින් සොයාගෙන ඇත.

මේ පැතිරී යන සංක්‍රමණික රෝග හා සංක්‍රමණික කාලය තුළ ඔබට වඩාත් ඵලදායි ලෙස සංගීතය යොදා ගැනීමට හැකිනම් හැකි නම් වඩාත් උසස් ප්‍රතිඵල ලබා ගැනීමට හැකියාව ලැබෙනු ඇත.

 

• ගර්භණියයි සංගීතයයි

ඔබ දන්නවාද? මව්කුස තුළ සිටින ඔබේ පුංචි පැටියාට සංගීතය ඇසීමට සැලැස්වීමෙන් යහපත් ප්‍රතිඵල ලැබෙන බව.

නූපන් දරුවන් වෙනුවෙන් සංගීතයේ බලපෑම පිළිබඳ අධ්‍යනයේදී බ්‍රිතාන්‍යයේ නොටිංහැම් විශ්වවිද්‍යාලයේ තාරකා විද්‍යාඥ සහ ඉංජිනේරු ජොනතන් ෆුල්ෆර්ට්‌ විසින් MRI උපාංගයේ බෝල්ඩ් ඉෆෙක්‌ට්‌ වර්ගීකරණය සම්බන්ධ කරගත්තා. එයින් ගැබේ සිටින දරුවාගේ මොළයේ ඔක්‌සිජන් දර්ශනය දැක බලා ගැනීමට පුළුවන්.

මෙහිදී කුස සිටින දරුවාට සංගීතය ඇසෙන්නට සලසා මවු කුසට සම්බන්ධ උපාංග මගින් දරුවාගේ මොළයේ රුධිර සංසරණය අධ්‍යයනය කළා. සංගීතය ඇසෙන විට රුධිර සංසරණය මනාව සිදු වෙන අන්දම මෙහිදී පෙනී ගියා.

මෙම අධ්‍යයනය තව දුරට සංවර්ධනය කරමින් ගැබ සිටින දරුවා සංගීතයට සවන් දෙන අන්දම හඳුනා ගැනීමට ගැබේ සිටින කළලයේ මුහුණ පිහිටි දිසාවට රතු ආලෝකයක්‌ ලබා දුන්නා. ඒ අතරම සිදු කරන ලද MRI වාර්තාවෙන් පෙනී ගියේ දරුවාට ශබ්දය ඇසෙන බවත් රුධිර සංසරණයට සමගාමී ලෙසින් පෙනීම සහ ඇසීම ඉතා හොඳින් සිදු වෙන බවත්ය.

නමුත් මේ අවස්‌ථාව වෙනුවෙන් යොදා ගත යුත්තේ කඨෝර නොවන ළයාන්විත සංගීතය බවත් අමතක නොකළ යුතු බවත් ජොනතන් සඳහන් කරනවා. ඒ අනුව ඔබ ගර්භණී මවක් නම් මෙම ව්‍යසන අවස්ථාවෙ සංගීතය ඔබවත් දරු පැටියාවත් නිරෝගීව තබාවි.

නැතිනම් ඔබට ඔබේ දරු ගැබට ඇසෙන්න කුස අතගාමින් සියුම් නාදයකින් නැළවිලි ගී කියන්න පුළුවනි. එයත් ඉතා ඵලදායීය.

තවද ගැබෙහි දරු පැටියාට ඇසෙන ලෙස භාවනා ක්‍රම, ගාථා ශ්‍රවණය, ගීතිකා ගායනය

(ඔබ අදහන ආගමට අනුව) වැනි දෑ කිරීම මේ කාලය තුළ පමණක් නොව දරු පැටියා මෙලොවට බිහි වනතුරුම කළ හැකියි.

දරු නැළවිලි ගී මගින් දරුවන්ගේ මානසික හා කායික වර්ධනයට සුබවාදී ප්‍රතිඵල ලබා දෙන බව ඇමරිකාවේ සිදු කරන ලද අධ්‍යයනයක්‌ මගින් සනාථ වී තිබෙනවා.

මෙම අඩු තාරතාවකින් යුක්‌ත සංගීතය දරුවන්ගේ මනසට බෙහෙවින් යෝග්‍ය බැව් හඳුනා ගත් අතර පෙරදිග මෙන්ම අපරදිග ලෝක සංගීතය බෙහෙවින් තම ජීවිතයට සම්බන්ධ කර ගත් බව පෙනී යනවා.

එබැවින් මෙවන් සමයක වෙනදාට වඩා නිදහසකින් ඔබ නිවසෙහි රැදෙන බැවින් කුඩා දරුවන්ගෙ මානසික සුවතාව උදෙසා මේ උපක්‍රම යොදා ගත හැකියි.

 

• පවුලේ සාමාජිකයන් එකට එක් වීමේ කාලයයි මේ.

මිනිස්‌ සිරුර බාහිර ලෙසින් අපට ලැබෙන දේ පිළිගැනීමේ හැකියාවෙන් යුක්‌ත අතර ආදරය, කරුණාව, සංවේගය වැනි හැඟීම් නිසා අපේ සිතට ඇති වන බලපෑම පාලනය කරන්නේ අධිෂ්ඨානයේ සහ චිත්ත ශක්‌තියේ බලපෑම අනුවය. මෙය පුද්ගලයාගෙන් පුද්ගලයාට වෙනස්‌ වේ. ඇතැම් අය වේදනාවන් දරා ගැනීමට අපොහොසත් වුණත් තවත් පිරිසකට වේදනාවන් අතින් නැගී සිටින්නට තරම් චිත්ත ශක්‌තියක්‌ තිබෙනවා.

සංගිත චිකිත්සාවේදී පුද්ගලයාගේ මානසිකත්වයට අනුව යමින් සංගීතයෙන් ප්‍රතිකාර ලබා දීමේ හැකියාව ලැබෙනවා. ඔෙබ් පවුලේ සාමාජිකයන්ගේ සිත්වල මෛත්‍රී කරුණා ගුණ වර්ධනයට ද ඒ අනුව සංගීතය දායක වෙනවා.

රසය යනු කලාවේ බීජයයි. විඳීමට සිතක් තිබිය යුතුයි. අපගේ මොළය වම් හා දකුණු අර්ධ ගෝල දෙකකින් සමන්විත අතර කලාත්මක හැකියාවන්, නිර්මාණශීලී ක්‍රියාකාරකම් මෙන්ම ආදරය, දුක, විරහව වැනි විවිධ මානසික ශක්තීන් එකට බැඳී පවතින හැඟීම් ද මොළයේ දකුණු අර්ධ ගෝලය හා සම්බන්ධයි. විශේෂයෙන් විරහව විවිධ මානසික ශක්තිවලට හේතුවක් ලෙස දැක්වේ.

උදාසීන ගති ඉස්මතු කරන මෙවැනි අවස්ථාවක ශෘංගාර රසය දනවන සංගීතය එනම් කල්‍යාණ, බිලාවල් හා කමජ් රස ආශ්‍රිත සංගීතය ශ්‍රවණය මනස සන්සුන් කිරීමට යෝග්‍ය බව සොයා ගෙන ඇත.

සිතෙහි හටගන්නා අසමතුලිත තත්ත්වයන් හා මානසික අවපීඩනයන් හෙවත් ගැටලු, ආතතීන් හේතු කරගෙන පුද්ගල චින්තන රටාවේ වෙනස්කම් ඇතිවීම නොවැළැක්විය හැකිය. එසේ වන විට සිරුරේ ජෛවී රසායන ක්‍රියාවලියෙහි විවිධ වෙනස්කම් සිදුවේ. මේ තත්ත්ව පාලනය කිරීමට නූතනයේ ක්‍රමවේද දෙකක් ප්‍රයොජනයට ගනී.

1. බෞද්ධ භාවනාව

2. සෞම්‍ය වූ රාගධාරී/ සම්භාව්‍ය සංගීතය

මධුර වූත් රමණීය වූත් කන්කළු වූත් සංගීත රාවයන්ට සවන් දෙන පුද්ගලයාගේ හෘදය ස්පන්දනීය රිද්මයත් (Heart beat ) එ් හා සම්බන්ධ වන ඉන්ද්‍රියය ක්‍රියාකාරිත්වය සමතුලිත වේ.

 

• ජන ජීවිතය හා සංගීතය

 

සංගීත රිද්මයන් ප්‍රාථමික යුගයේ පටන් මානව ජන ජීවිතය සමග බද්ධව පැවතුණා.කමතේ අස්වනු නෙලන කාලයට ඇසෙන ගොයම් කවි, රෑ පැල් රැකීමේදී තනිකම පාළුව මැකීයාමට කියූ පැල් කවි වැනි ජන ගී තුළින් මනසට මෙන්ම අස්වැන්නටද විශාල ලෙස මෙම සංගීතය බලපෑමක් වී ඇත. සරු අස්වැන්නට එය බලපා ඇති බවට අතීත සාධක ද හමුවේ.

මේ අවුරුද්දේ අවුරුදු සැමරීම අසීරු වුවත් අවුරුදු කාලය ළංවත්ම ඇසෙන කොහාගේ නාදයද චිත්ත ප්‍රීතිය වඩවන්නක් බව ඔබ දන්නවා. කොහාගේ නාදය නිසායි මුළු ලක් වැසි සියලු දෙනා දැනගන්නෙ අවුරුදු ළඟ බව.

යන්ත්‍ර මන්ත්‍ර ගුරුකම්, ශාන්ති කර්ම, සෙත් කවි දක්වාම මේ තාල රිද්මයන් විකාශනයව පැතිර පවතී.

කොහොඹා කංකාරිය, බලි යාග, තොවිල්, පිරිත් සජ්ජායනය, ගැබිණියගේ නිවසින් ඇසෙන අංගුලිමාල පිරිත්, අපේ දේශීය නාද රටා ඇසෙන හේවිසි හඬ, පෙරහැරවල් ආදී මේ සියල්ල රටට මෙන්ම ජනතාවට ඇතිවන බිය, කරදර දුරු කරලීමට යොදා ගත් සාම්ප්‍රදායික සංගීත රිද්මය මුසු ක්‍රමවේද වේ.

මීට වසර දහස් ගණනකට පෙර සිට ආයුර්වේද වෛද්‍ය ක්‍රමය තුළ සංගීත චිකිත්සාව යොදා ගෙන ඇත.

පුරාණ වේද ග්‍රන්ථයක් වන ගාන්ධර්වවේදයද එය මනාව විස්තර කර ඇති අතර ඔබ අප හදුනන ශාරීරික දෝෂයන්ට අමතරව මනසෙහි තත්ත්ව තුනක් ලෙස සත්ත්වො, රජස්, තමස් පිළිබඳ ආයුර්වේදය දක්වනවා. සෞම්‍ය සංගීතය සත්ත්ව ගුණ වර්ධනය කර මනස සන්සුන් කරනවා.

වර්තමානයේ හැල්මේ දුවන ජීවන ගමන තුළ සුලබව අසන්නට ලැබෙන මානසික හේතූන් මුල් කරගෙන ඇති වන මනෝකායික රෝග වලටද, විශාදය, මි⁣⁣⁣ග්‍රේන්, ඉරුවාරදය, කොඨර ප්‍රදාහය, ඇදුම, පීනස, දියවැඩියාව, අධි රුධිර පීඩනය, හෘදය රෝග වැනි බෝ නොවන රෝගවලටද සංගීත චිකිත්සාව විශිෂ්ට ප්‍රතිඵලදායි සත්කාරයක් බවට වෛද්‍ය විද්‍යාත්මකව ඔප්පු කර අවසන්.

සිරුරේ කායික, මානසික සමතුලිතතා ඇති කිරීම කෙරෙහිත් ශරීර නිසි ක්‍රියාකාරිත්වයට ආහාර දිරවීමට, ලේ ගමනාගමනයට, ශක්තිය රඳවා ගැනීමට, සිරුරෙහි වර්ධනයට හා ආරක්ෂාව උදෙසාත් සංගීතය ඉවහල් වන බවත් විවිධ වූ සංගීතමය ශිල්ප ක්‍රම හා නාද සංයෝග මෙන්ම රිද්ම චලන ක්‍රියාකාරකම් තුළින් මානවයාට මෙන්ම අවට පරිසරයටත් බොහෝ සේ බලපෑම් කළ හැකිය.

උදා: ඇතැම් ගොවි බිම්වල සංගීතය ආශ්‍රය කරගෙන සිදුකරන කෘෂිකාර්මික කටයුතුවලදී විශිෂ්ට අස්වැන්නක් ලබා ගත හැකි බවට වාර්තා වේ.

විශේෂයෙන් නූතන ජීව විද්‍යා පර්යේෂණ අනුවත් කායික විද්‍යාව පිළිබඳ නව පර්යේෂණ අනුවත් පෙනහළු නිරෝගී බවට පත් කර ආසාදිත තත්ත්වයන් අවම කිරීමට මෙන්ම ස්නායු පද්ධතිය නිරෝගී ශක්තිමත් කර ආරක්ෂා කිරීමට වාදනය හා රසාලිප්ත සංගීතමය සංයෝජනාවන්ට මහත් මෙහෙයක් කළ හැකි බව වාර්තා වේ.

සංගීතය යනු විශ්ව භාෂාවකි. මිනිසාට පමණක් නොව මිහිතලයෙ ඇති ගස් වැල් සතා සිව්පාවුන් සුවපත් කරන ගුණය මේ ස්වභාවදහමින් මතු කරන සංගීත රටාවන් තුළම ගැබ්ව ඇත.

එනිසාවෙන් මේ අපූර්ව වූ සංගීතය යහපත් ලෙස යොදා ගෙන මිහිතලය ද ඔබ ද නිරෝගී යහපත් සුවයක් ළඟා කර ගැනීම ඔබ සතුයි.

මේ එ් සදහා ඇති හොඳම කාලයයි. මෙලෙසින් වයස් භේදයකින් තොරව ඔබ සියලු දෙනාට සංගීත චිකිත්සාව මගින් සුවබර දිවියක මඟ කියයි.

(විශේෂ ස්තූතිය - ආයුර්වේද වෛද්‍ය චේතිකා නාගහවත්ත, රක්වාන ආයුර්වේද රෝහල)

ලොව පුරා වේගයෙන් හමායන උන්මාදයෙන් ළමා මනස ගලවා ගමු

ලොව පුරා වේගයෙන් හමායන උන්මාදයෙන් ළමා මනස ගලවා ගමු

               වර්තමානයේ  තුළ අප ජීවත් වන්නේ සංකීර්ණ සමාජ වපසරියක් තුළ ය. එහිදී එකිනෙකා දැඩි ලෙස අනෙකාගෙන් වෙන්වී  කටයුතු කිරීමට නිරන්තරයෙන් උත්සාහ ගනු ලබයි. තම අත ඇති ජංගම දුරකථනය වෙත සියල්ලට වඩා ප්‍රමුඛස්ථානයක් ලබාදී ඇති බව දක්නට ලැබේ. එම නිසා මිනිසා කෙතරම් හුදකලා වී ද යත් තම සබැදියන් පිළිබඳව අවධානය යොමු කිරීම සිදුකරනු ලබන්නේ ඉතාමත් අල්ප වශයෙනි. වත්මන් කුටුම්භ අභ්‍යන්තරය පිළිබඳව විමසීමේදී කුඩා දරුවන් එම තාක්ෂණික වෛරසයේ ගොදුරක් බවට පත් වූ තැනැත්තෙකු ලෙස හදුනා ගත හැකිය. ළමා මනස යනු අලුත් දෑ විමසන මනසකි. එම සංවර්ධනය වන මනස තුළට තාක්ෂණය අහිතකර විපාක හේතුවෙන් දැඩි ලෙස අකර්මණ්‍ය වීමට ගතවන්නේ නිමේෂයන් කිහිපයක් පමණක් විය හැකිය. 

 කුඩා මනසට නිර්මාණශීලීත්වය යන්න අත්‍යවශ්‍ය සාධකයකි පෙර පාසල් වියෙහි දී පවා තම දෑත් එක්කොට සිදු කරනු ලබන ක්‍රියාකාරකම් බහුල වශයෙන් දක්නට ලැබෙන්නේ කුඩා දරුවාගේ මොළයේ ක්‍රියාකාරීත්වය සඳහා ය. එබැවින්  එම කුඩා අවධිය තුළ එම දරුවා අතැතිව නිරන්තරයෙන් ජංගම දුරකථනය , ටැබ්ලට් පරිගණක භාවිතය වැනි තාක්ෂණික අංගෝපාංග භාවිතය හරහා  කුඩා මනස කෙතරම් තාක්ෂණික වශයෙන් අහිතකර බලපෑමක් ඇතිවිය හැකි ද යන්න  වර්තමානය වන විට සාකච්ඡා කළ යුතු මාතෘකාවක් බවට පත්වී හමාරය. 

එය එසේ සිදුවන්නේ වැඩිහිටියන්ගේ නොමනා ක්‍රියා කලාපයන් නිසා ය. තමා යම් කාර්යයක නිරත වීමේදී තම දරුවාගෙන් පැමිණෙන විවිධ බාධක මැඩගෙන තම කාර්යයේ නිරත වීම සඳහා යොදා ගන්නා උපාංගයක් ලෙස දෙමව්පියන් විසින් ජංගම දුරකථනය භාවිතයට ගනී. ඒ හරහා තම ඡංගම දුරකථනය දරුවා අතට ලබාදී, දරුවාගේ අවධානය ජංගම දුරකතනය වෙත යොමු කිරීමට උත්සාහ ගනු ලබයි. 

බොහෝ විට වත්මන් කුඩා දරු දැරියන් වැඩි වශයෙන් පෙළඹී  ඇත්තේ  පරිගණක ක්‍රීඩා (computer Games) , කාටුන් (Cartoon) සඳහාය. 

ක්‍රීඩා කිරීම සහ සෞන්දර්යජනන කරනු ලබන ක්‍රියාකාරකම් වල අවශ්‍යයෙන්ම යෙදිය යුතු වයසේ සිටින දරුවෙකුට මවුපියන් සිදු කරන දැඩි පීඩනය  මවුපියන් ගේ ප්‍රකාශ මඟින් වර්තමානයේ වැඩි වශයෙන් පෙනෙයි. කුඩා දරුවෙකුට අවශ්‍ය වන්නේ සමබර ජීවිතයකි. 

ඒ සඳහා ප්‍රමාණවත් නින්ද , ක්‍රීඩා සෞන්දර්ය  ක්‍රියාකාරකම් ලැබීම ද අතිශයින් වැදගත් වේ.

එයට අමතරව ආදරය පිළිගැනීම සහ රැකවරණය දරුවාට අත්‍යවශයෙන්ම කුටුම්භය තුළින් ලැබිය යුතු සම්පත්ය. පහස නිමවී සැලකෙන දරුවා රැගෙන යන්නේ අමතර පන්ති වෙතය. දරුවා යන්න රොබෝවරයකු නොවන බව දෙමාපියන් සේම වැඩිහිටියන් ද දැනගත යුතු ප්‍රබල කාරණාවකි.  

දරුවෙකුට අවවාද අනුශාසනා බැණවැදීම් පහරදීම් වලින් නොව ආදර්ශයන් සහ යහගුණයන් ඔහුගේ ජීවිතයට ඇතුළත් කළ යුතු බව මවුපියන් අවබෝධ  කරගත යුතුය. 

එසේම කාටුන් පිළිබඳ මවුපියන්ගේ දැක්ම සාවද්‍ය එකකි. කාටුන් හි සුරතල් ,සතුන් , කුඩා දරුවන් සිටි පමණකින් වර්තමානයේ විකාශනය වනු ලබන කාටුන් දරුවකුට සුදුසු නොවෙයි. විශේෂයෙන් අප රටේ විකාශය වන කාටුන් තුළින් දරුවන්ගේ පෞරුෂයට වන හානිය බලවත්ය. බොහෝමයක් කාටුන් හි ඇත්තේ ප්‍රචණ්ඩත්වය වපුරන ක්‍රියාවන්ය , කපටිකම් ය. යුද්ධ , ආයුධ පරිහරණය , අවිනීත භාෂා භාවිතය , මත්පැන් , දුම්වැටි සොරකම , උදුරා උදුරාගැනීම පහරදීම , අන්සතු දේවල් වලට හානි කිරීම සහ අනුන්ට සිදුවන විපත් හිටි සතුටට පත්වීම , ආත්මාර්ථකාමී  හැඟීම් සහ කෑදර බව පෙන්වීම ආදිය මේවා ආකර්ෂණය කොට ආකර්ෂණීය චරිත යොදා ගනිමින් දරුවාට ලබා දෙද්දී, මෙම චර්යාවන් අවිඥානිකව දරුවාගේ මනස තුළ තැන්පත් වෙයි. එම නිසා දෙමාපියන් විසින් සවිඥානිකව කටයුතු කිරීම වැදගත් වේ. 

වීඩියෝ ගේම්ස් සහ කාටුන් දරුවන්ගේ ප්‍රචණ්ඩත්වය ට හේතු වී තිබේ. ඒ බව සමීක්ෂණයන් ආධාරයෙන් හෙළිදරව් කර ඇත. එහිදී ඇතැම් මවුවරුන් තම ජංගම දුරකථනය අනිසි ලෙස දරුවන්ට භාවිතා කිරීමට පෙළඹවීම පමණක් නොව කාටුන් නැරඹීමට ද දරුවන් පොළඹවන බව දක්නට ලැබේ. 

එසේම වයස අවුරුදු තුනට අඩු දරුවන් හට රූපවාහිනිය කිසිසේත්ම නොපෙන්විය යුතු අතර වයස අවුරුදු දහය වන තෙක් දරුවන්ට එක දිගට පැයකට වඩා රූපවාහිනිය නැරඹීමට ඉඩ නොදිය යුතු බව ඒ පිළිබඳ විශේෂඥයින් විසින් ඉදිරිපත් කර ඇති මතය වේ. දරුවන්ට බරපතළ අක්ෂි ආබාධ ඇතිවීමට හේතුව හේතු විය හැකි බවත් ඔවුන් විසින් ඉදිරිපත් කර ඇති මතයන් විමසීමේ දී හඳුනා ගත හැක. 

එසේම දැඩි වශයෙන් මෙහිදී බලපෑමක් ඇති වන්නේ දරුවාගේ නිර්මාණශීලී මනසට සහ පෞරුෂත්වයට ය. 

එසේම දරුවා ආත්මාර්ථකාමය දරුවකු ලෙස සමාජයට මුදා හැරීම සිදු වන්නේ පවුල තුළින්ම දරුවා හට ලැබී ඇති මෙවැනි ක්‍රියාකාරකම් හරහා ය. දරුවා හුදෙකලා වීමට මෙම ක්‍රියාවලිය බහුල වශයෙන් බලපානු ලබයි. 

දරුවකුට ලැබිය ද ඉතාමත් වටිනා ගුණාංගයක් ලෙස සංවේදී බව හැඳින්විය හැක. දරුවා තුළ මනුෂ්‍යත්වය නිර්මාණය වීම සිදුවන්නේ මේ සංවේදී සංවේදීභාවය හරහා ය. එම ගුණාංගයන්ට ප්‍රබල බලපෑමක් සිදු කිරීමට වීඩියෝ ගේම් හරහා හැකියාව ලැබී ඇත. තමාහට වැඩි ජයග්‍රහණයන් අත් කොට ගැනීමට තම ප්‍රතිවාදියා ඝාතනය කිරීම සිදුවේ. එය මෙම පරිගණක ක්‍රීඩාවන් හි ප්‍රධාන අත්තිවාරම ලෙස සැලකිය හැක. එම අත්දැකීම පසුකාලීනව දරුවා ප්‍රචණ්ඩකාරී පුද්ගලයකු බවට පරිවර්තනය කිරීමට බෙහෙවින් බලපානු ලබයි. එම නිසා තම දරුවන් කෙරෙහි දෙමාපියන් වැඩ සැලකිල්ලක් දැක්වීම සිදු කළ යුතුය.

දරුවාගේ නිර්මාණශීලීත්වය සැණෙකින් හදුනාගැනීමට හැකියාව ඇත්තේ සිය මවුපියන් හට පමණි. එම නිසා දෙමාපියන් හට තම දරුවන් කෙරෙහි වඩ වඩා අවධානය  යොමුකළ යුතු වර්තමානයක අප  ජීවත් වෙයි. 

එසේම රසවින්දනය දරැවාට හුරු පුරුදු කළ යුතුය. සංගීතය චිත්‍ර ආදිය පිළිබඳව දරැවා සමග සාකච්ඡා කළ හැකි නම් දරැවාගේ පරිකල්පන වපසරිය පුළුල් වේ. එවිට අන්‍යයන් හට උපකාර කරනු ලබන සංවේදී මානුෂීය ගුණාංග වලින් පිරිපුන් මනුෂ්‍යයන් පමණක් සමාජයට දායාද කිරීමට හැකි වනු ඇත. එමෙන්ම පවතිනා තාක්ෂණය ඵලදායී ලෙස යොදවා ගැනීම හරහා තම ජීවිතය ආලෝකමත් කර ගැනීමට දරැවන් හුරැ පුරැදු කළ හැකිවේ.

විජේසිංහ ඩබ් .  ඒ . කේ . එන්

ජනමාධ්‍ය අධ්‍යනාංශය 

කොළඹ විශ්වවිද්‍යාලය 

 ශ්‍රී පාලි මණ්ඩපය 

මහජන සම්බන්දතා ඉතිහාසය

මහජන සම්බන්ධතාවයේ ඉතිහාසය

මහජන සම්බන්ධතාවයේ ක්‍රියාවලිය ග්‍රෝත්‍රීය සමාජ අවධිය දක්වා දිවයන්නකි.මානව ශිෂ්ඨාචාරයේ ඉතිහාසය පිළිබදව අධ්‍යනය කරන විට මේ බව වඩාත් පැහැදිලි වේ.විෂයක් වහයෙන් මහජන සම්බන්ධතාව වර්ධනය වීම පසු ගිය සියවසේ මැද භාගයේ දී ආරම්භ වූ අතර වඩාත් කැපී පෙනෙන සිද්ධියක් වන්නේ 1952 දී එඩ්වඩ්.එල් බර්නීස් විසින් රචිත Public Relations යන කෘතිය රචනා විමයි. මෙම කෘතිය බිහිවිමට ප්‍රථම මේ පිළිබදව ලිය වී තිබුනේ සහ සාකච්ඡා වී තිබුණේ ඉතාමත් අල්ප වශයෙනි.

මහජන සම්බන්ධතාවයේ ඉතිහාසය මානව ශිෂ්ඨාචාරයේ ඉතා ඈතට විහි ද යන බවත් එය ග්‍රෝත්‍රීය සමාජවල පවා එක්තරා දුරකට ක්‍රියාත්මක වූ බවක් බර්ටන් රසල් ඔහුගේ Wisdom of the west (බටහිර ඥාණය) කෘතියේ සදහන් කර ඇත.

මහජන සම්බන්ධතාවයේ ඓතිහාසික සන්ධිස්ථාන

ඕනෑම විෂයක ඉතිහාසය හැදෑරිමෙන් අප ලබා ගන්නා දැනුම ඔස්සේ එම විෂයේ ප්‍රායෝගික ක්ෂේත්‍රය පෝෂණය කිරීමටත් භාවිතයට ගැනීමටත් හැකියාව ලැබේ. ඒ අනුව මහජන සම්බන්ධතාවයේ ඉතිහාසය හැදෑරීම තුළින් එහි ප්‍රභවය ව්‍යාප්තිය භාවිතය පැහැදිලිව හදුනාගත හැකිය. මහජන සම්බන්ධතාවය අතීතයේ ඒ ඒ රටවල සමාජ සංස්කාතියේ ප්‍රබල සමාජ අවශ්‍යතාවක් වූයේ කෙසේ ද එමෙන් ම එම කාල සීමාවන් තුල වර්ධනය වූයේ කෙසේ ද ක්‍රමක්‍රමයෙන් එය විද්‍යාත්මක පදනමක් යටතේ ගොඩනැගුනේ කෙසේ ද සහ වර්තමාන සමාජය තුල විද්‍යාත්මක පදනමක් යටතේ භාවිතයට ගන්නේ කෙසේ ද යන ආදී මූලික කරැණු ඔස්සේ මෙම විෂය හදුනාගත හැකි ය. මහජන සම්බන්ධතා විෂය හැදෑරීමේ දී Ivy – Lee සහ එඩ්වඩ්.එල් බර්නීස් යන පුද්ගලයන් දෙදෙනා වැදගත් වේ. මෙම විෂය පිළිබදව වඩාත් කැපී පෙනෙන අධ්‍යනය සාධකයක් ලෙස 1952 එඩ්වඩ්.එල් බර්නීස් විසින් රචිත Public Relations නැමැති කෘතිය හදුන්වා දිය හැකිය. Ivy – Lee සහ එඩ්වඩ්.එල් බර්නීස් යන දෙදෙනාගේ පර්යේෂණ වලින් පැහැදිලි වන්නේ මහජන සම්බන්ධතාවයේ මුලික ලක්ෂණ මානව ශිෂ්ඨාචාරයේ ආරම්භයේ සිට පැවැත එන බවයි. මහජන සම්බන්ධතාවය පිළිබද මූලිකත්වය ගනු ලැබූ N.S.B Gras (එන්.එස් බී ග්‍රේස්), Eric Goldman (එරික් ගෝල්ඩ්මන්) යන දෙදෙනා විසින් ද කුඩා ප්‍රමාණයේ කෘති දෙකක් ඉදිරිපත් කර ඇත. එමෙන් ම බර්ටන් රසල් ගේ Wisdom of the west කෘතිය තුළ සදහන් කර ඇත්තේ ග්‍රෝත්‍ර අවධියේ සිට ම මහජන සම්බන්ධතාවයේ මූලික ලක්ෂණ දක්නට ලැබෙන බවයි. ඔහු ප්‍රකාශ කරන පරිදි මෙම කාල පරිච්ඡේදය තුළ ඒක මාධ්‍ය සන්නිවේදනය ක්‍රමයෙන් ක්‍රියාත්මක වූ නිසා මහජන සම්බන්ධාතාව සියයට සියයක් ක්‍රියාත්මක නොවුනු බවයි. එයට ප්‍රධාන හේතුව වන්නේ ග්‍රෝත්‍රික නායකයා තුළ පැවැති අත්තනො මතික අදහස් ආකල්ප පාලන ක්‍රමවේදය බව බර්ටන් රසල් පෙන්වා දි ඇත. අතීතයේ නායකයා සහ මහජනතාව අතර රාජ්‍ය පාලන තන්ත්‍රය පිළිබදව විවෘත සංවාදයක් නොතිබුණි. එකල පාලකයාට තම අදහස් ආකල්ප ජනතාව වෙත ඉදිරිපත් කිරීමට තිබූ අවශ්‍යතාවය ප්‍රබල වුව ද මහජනතාවගේ ආකල්ප සහ අදහස් තමා වෙත ලබා ගැනීමට එතරම් උනන්දුවක් දක්වා නැත. කෙසේ නමුත් ඉපැරණි සමාජයේ පාලකයා විසින් සිය අදහස් මහජනතාව වෙත ලගා කරවිමටත් මහජනතාවගේ අදහස් තමා වෙත ලබා ගැනීමටත් සහ තමන්ට අවශ්‍ය නිතිමය උපදෙස් ලබා ගැනීමටත් විශේෂ නිලධාරීන් පිරිසක් පත් කර ගෙන සිටි බව මහජන සම්බන්ධතා ඉතිහාසය හැදැරීමේ දී හදුනාගත හැකි ය. 

ඔවුන් තෝල්කයන් එසේ නැතහොත් Talking Chief නමින් හදුන්වා ඇත. මෙම පුද්ගලයා මහජන සම්බන්ධතා නිලධාරියා ලෙස හදුන්වා දිය හැකිය. සමාජයේ දිවුණුවත් සමග තෝල්කයන්ගේ කාර්යභාරය ප්‍රමාණවත් නොවුණි. මෙය විද්‍යාත්මක පදනමක් යටතේ නිර්මාණය නොවුණි. ඒ අනුව පැරණි මිසර සමාජය පිළිබදව අධයනය කිරීමේ දී මහජන සම්බන්ධතා නිලධාරීන්ගේ ස්වරෑපය රැගත් වඩාත් ප්‍රමාණවත් පුද්ගලයෙක් හමු වේ. ඔහු සරීබ් (Suribe) නමින් හදුන්වා ඇත. මිසරයේ පරාවෝ පෙළපත ඔවුන්ගේ රාජ්‍ය පාලන තන්ත්‍රය පිළිබද මහජනතාව ලෙස අදහස් ඉදිරපත් ආකල්ප තමා වෙත ලබාගැනිමටත් මොවුන් කටයුතු කළේ ය. විශේෂත්වය වන්නේ මොවුන් පූජක පිරිසක් වීමයි. මෙම පූජක පිරස ලේඛන කලාවේ අති දක්ෂයින් වූ අතර මහජනතාවගේ ගරැබුහුමන් ලැබූ පිරිසක් විය. 

රජුගේ අදහස් මහජනතාවට වෙත දැනුම් දීමට ජනතාවගේ අදහස් රජුන් වෙත ලගා කරවීමටත් මහජනතාව හා සම්බන්ධ වන මෙම දූතයන් න්‍යායන් ද භාවිතා කළේ ය. So was it Saied (මහවාස විසින් මෙසේ වදාරන ලදී) So was it e කල යුතුය) මෙම පූජක පිරිස මහජන මතය සන්විධානය කිරීමට මූලික විය. පුරාන ඉස්ට්‍රල්ය පාලක පිරිසක් පාලකයන් සහ මහජනතාව අතර සම්බන්ධතාවය ගොඩනැගීමට Prophets නමින් හදුන්වන ලබන පිරිසක් මූලික වී ඇත. මොවුන් සරීබ් (Suribe) පූජකයන්ට වඩා දක්ෂ පිරිසක් විය. මොවුන්ගේ පාලන ක්‍රියාවලිය අසාර්ථක වුයේ නම් ඊට හේතු වූයේ පාලකයන්ගේ දැඩි ප්‍රතිපත්ති බව හදුනාගත හැකිය. මහජන සම්බන්ධතාවයේ අතීත නිලධාරීන් හදුනාගැනීමේ දී මීළගට වැදගත් වන්නේ Publicist නැමැත්තාය. ඔවුන් පූජක පිරිසක් නොවුන ද ඒ හා සමාන දක්ෂතාවයෙන් යුතුව තම කාර්යයන් සිදු කළේ ය. රාජකීය පාලන සමය තුළ පැනනගින්නාවූ ආරවුල් විරෝධතා මෙන් ම මානව අයිතීන් විනිශ්චය කිරීම සදහා එංගලන්තයේ Load chancer (ලෝඩ් චාන්සර්) නමින් අමාත්‍යවරයෙක් රජු විසින් පත් කරයි. ගැටළු වලින් තොරව රාජ්‍ය පාලන තන්ත්‍රය ක්‍රියාත්මක කිරීම සදහා රජය සහ මහජනතාව අතර සම්බන්ධතාවය ගොඩනැගීම මෙම අමාත්‍යවරැන්ගේ කාර්යභාරය විය. මහජන සම්බන්ධතාව වර්ධනනය කිරීම සදහා ලොඩ් චාන්සර් නම් අමාත්‍යවරයා මුලිකත්වය ගත්තේ ය. මේ අනුව පැහැදිලි වන්නේ රජු සහ මහජනතාව අතර අදහස් හුවමාරැ කරගනිමින් මහජන සම්බන්ධතාව ගොඩනැගීම සදහා අතිතයේ සිට ම පූජක පක්ෂයේ සහයෝගය ලැබී ඇති බවයි. වර්තමාන තුළ ද පාලකයා සහ ජනාතාව අතර හොදහිත වර්ධනය කිරීමට පූජක පක්ෂය කිසියම් මහජන සම්බන්ධතා ක්‍රියාවලියක නියතවන බව හදුනාගත හැක. 

මෙතෙක් අප සාකච්ඡා කළේ මහජන සම්බන්ධතාව හා බැදෙන ඓතිහාසික සන්ධිස්ධානයන් පිළිබදවයි. මීළගට අපගේ අවධානය යොමු විය යුත්තේ වර්තමානය දක්වා මහජන සම්බන්ධතාවයේ වර්ධනය සිදු වූ අකාරය සොයා බැලීම කෙරෙහි ය. වර්තමානයේ මහජන සම්බන්ධතා ක්‍රියාවලිය තුල දක්නට ලැබෙන විද්‍යාත්මක ස්වරෑපයේ වර්ධනයට මුලින් ම අඩිතාල ම වැටෙන්නේ විසිවන සියවසේ ආරම්භයේ සිට ය. ක්‍රමානුකූල හෝ සංවිධානාත්මක හෝ වෘත්තීමය වශයෙන් වර්තමානවූත් මහජන සම්බන්ධතා ක්‍රියාවලියක පුරෝගාමී රට වශයෙන් හදුන්වාදිය හැක්කේ ඇමරිකාවයි. වෙනත් රටවලට වඩා ශීග්‍ර වේගයකින් ඇමරිකාව තුල මහජන සම්බන්ධතාව ක්‍රියාත්මක වන්නට වේ. 

ලෝකයේ බොහෝ රටවල් මහජන සම්බන්ධතාව හා බැදෙන්නේ කාර්මිකරණයට හසුවීමෙන් පසුවයි. කාර්මිකරණයට පසුව ලෝකයේ බොහෝ රටවල් සිය ආර්ථික ප්‍රතිපත්තීන් ජනතාව වෙත ඉදිරිපත් කිරීමේ දී ජනතාවගේ අනුමැතිය ලබා ගැනීම සදහා මහජන සම්බන්ධතාව බෙහෙවින් භාවිතයට ගන්නට වේ. එමෙන් ම එහි වැදගත්කම නිසා ම මහජන සම්බන්ධතාවට අදාල පුද්ගලයින් පමණක් නොව ආයතන ද විසිවන සියවසේ ආරම්භයේ දී දැක ගත හැකිය. 1904 Ivy –Lee නම් ඇමරිකානු පුවත්පත්වේදියා,ඇමරිකාවේ නිව්යොක් නගරයේ ප්‍රථම වරට මහජන සම්බන්ධතා කාර්යාලයක් ආරම්භ කරන ලදී. ඔහු ප්‍රකාශ කල පරිදි එම කාර්යාලයේ අරමුණු වුයේ වෙළද ව්‍යාපාර සහ පොදු ආයතන පිිළිබද තොරතුරැ ඇමරිකානු ජනතාව සහ ඇමරිකානු පුවත්පත් වෙත විවෘතව හා අවංකව ම සැපයීමයි. එමෙන් ම Ivy –Lee විසින් විවිධ වෘත්තිකයන් සහ ආයතන අතර මතුවන ගැටළු අධ්‍යනය කොට ඒවා විදීම සදහා ද තම කාර්යාලය තුලින් පියවර ගෙන ඇත. එහි දී සේවකයින්ගේ අයිතිවාසිකම් සහ ආයතනයේ අරමුණු අතර සමානුපාතිකව බවක් හා සාධාරණ බවක් අවශ්‍ය යැයි ප්‍රකාශ කල ඔහු ආයතන සම්බන්ධ ප්‍රතිපත්ති ප්‍රකාශනයක ඇති වැදගත්කම ද පැහැදිලි කොට ඇත. ඇමරිකාවේ විවිධ ආයතනවල විවිධ වයාපාරවල විවිධ ප්‍රවාහන සේවා තුල ගැටළු සහ විශ්වාසය බිදවැටීම සමතයකට පත් කිරීම සදහා ඔහු කටයුතු කොට ඇත. 1906 දී ඇමරිකාවේ ගල් අගුරැ කර්මාන්ත ශාලාවක ඇති වූ අරගලය සමතයකට පත් කිරීම සදහා සහ එම කාල සීමාව තුල ම පෙන්සිල්මෙනියාවේ සිදු වූ දුම්රිය අනතුරක් නිසා දුම්රිය සේවාව පිළිබදව ජනතාව තුළ ගොඩනැගුනු විරෝධාවය සමතයකට පත් කිරීම සදහා ද ඔහු කටයුතු කොට ඇත. 

මේ අනුව බලන විට වචනයේ පරිසමාප්ත අර්ථයෙන් ම මහජන සම්බන්ධතා ක්‍රියාවලිය විසිවන සියවසේ ප්‍රභවය වන අතර එහි පුරෝගාමී පුද්ගලයා ලෙස Ivy –Lee විසින් ගෞරවය හිමි කර ගනී. ඔහුගේ කාර්යය වුයේ මහජන සම්බන්ධතා විෂය බොහෝ ශිල්ප ක්‍රම හා න්‍යාත්මක මූල ධර්ම වලින් පරිපූර්ණ කිරීමයි. ඒ නිසා විසිවන සියවසේ දෙවන දසකයේ ආරම්භවනවාත් සමග ම මහජන සම්බන්ධතා නිලධාරියා යනු කවරෙක් ද ඔහුගේ කාර්යභාර්ය කුමක් ද යන්න පිළිබදව නිරවුල්ව පැහැදිලි අදහසක් Ivy –Lee ගේ කාර්යභාර්යන් වලින් ප්‍රකට විය. 

1900 – 1950 කාල පරිච්ඡේදය තුල මහජන සම්බන්ධතාවය තවදුරටත් වර්ධනය වීමේ දී වඩාත් කැපී පෙනෙන පුද්ගලයන් ලෙස John D Rockerfellar හා J.B Morgan යන දෙදෙනා මහජන සම්බන්ධතාව ප්‍රයෝගිකව හා න්‍යාත්මකව ක්‍රියාත්මක කිරීම සදහා දැඩි වගකීමක් කටයුතු කල පුද්ගලයන් දෙදෙනෙකු ලෙස හදුන්වා දිය හැක. ප්‍රථම ලෝක සංග්‍රාමයත් සමග එම යුද්ධය අවසන් කිරීමට මෙන් ම යුද්ධයේ දී බිහි සුනු බව අවබෝධ කර ගැනීමත් වැනි තේමාවන් මෙහි දී මූලික විය. ඒ සදහා ජාත්‍යන්තර වශයෙන් පුළුල් ජන මතකයක් ද ගොඩනැගින. 1917 එවකට රාජ්‍ය බලය ඉසිලූ කොංග්‍රසය විසින් මහජන සම්බන්ධතා තොරතුරැ කමිටුවක් පිහිටුවන ලදී. එහි ප්‍රධානියා වූයේ George Creel ය. එම කමිටුව යුද්ධයට එරෙහිව මහජන මතය ගොඩනැගීමටත් ඒ අනුව කටයුතු කිරීමටත් ජනතාව පොළඹවාලීම සදහා උදෘත කිහිපයකින් භාජනයට ගන්නා ලදී. The war to end the war (යුද්ධය අවසන් කිරීමේ යුද්ධය) The war to make the world self for democracy (ප්‍රජාතන්ත්‍ර ලොව සුරක්ෂිත කිරීමේ යුද්ධය). 

ප්‍රවෘත්තියක් යනු කුමක්ද?

මොනවද මේ ප්‍රවෘත්ති ? ප්‍රවෘත්ති, පුවත්, News මේ හැම වචනයෙන්ම අදහස් වෙන්නෙ එක දෙයක්. ප්‍රවෘත්තියක් යනු ඉතිහාසයේ ප්‍රථම දළ සටහන කියලා ජින් බ්‍රැඩ් සඳහන් කරලා තියෙනවා. ගොඩක් අය ප්‍රවෘත්ති ගැන නිර්වචන ඉදිරිපත් කරලා තියනවා. අපි බලමු එහෙම නිර්වචන කිහිපයක්.

"ප්‍රවෘත්තියක් යනු ප්‍රජාවේ විශාල කොටසක් උනන්දුවක් දක්වන හැම දෙයමක්ම වෙයි. මීට කලින් කිසි විටෙක අවධානය යොමු නොවුණු දෙයක් වෙයි."

- චාල්ස් ඒ. ඩානා-

" බල්ලෙක් මිනිසෙකු සපා කෑ විට එය ප්‍රවෘත්තියක් නොවේ. එහෙත් මිනිසෙක් බල්ලෙකු සපා කෑ විට එය ප්‍රවෘත්තියකි"

- ජෝන් ඩී. බොගාඩ්-

"ප්‍රවෘත්තියක් යනු ජනතාවට බලපාන්නාවූත් ඔවුන් තුල උනන්දුවක් ඇති කරන්නාවූත් මෑත කාලීන හා වැදගත් සිදුවීමකට අදාළ අලුත් තොරතුරකි."

- සමරනායක 1998 -

ඔක්ස්ෆර්ඩ් ශබ්දකෝෂය “ප‍්‍රවෘත්ති” යන්න අර්ථ දක්වන්නේ මෙසේය.

“New Information about sth that has happened recently. Reports of recent events that appear in newspapers or on television or radio.” 

(hameier, 2005, 95)

ප්‍රවෘත්ති කියන එකේ ඉංග්‍රීසි වචනය "NEWS" කියලා ඔයා දන්නවනෙ. ඒත් මේ වචනෙ තේරුම නම් ගොඩක් අය දන්නෙ නැතුව ඇති.

N - North

E - East 

W - West

S - South

සතර දිශාවන්ගෙන් එන තොරතුරු කියන එක තමයි NEWS කියලා කියන්නෙ. 

අද ඕනිම මාධ්‍ය ආයතනයක ප්‍රධාන දේ තමයි ප්‍රවෘත්ති. ලෝකයේ මේ වෙනකොටත් ඕනෑතරම් සිදුවීම් සිදු වෙනවා. ඒත් ඒ හැම සිදුවීමක්ම ප්‍රවෘත්ති විදිහට මාධ්‍ය ආයතන වලින් ඉදිරිපත් කරන්නෙ නෑ. අන්න ඒ නිසා ඔයා දැනගන්න ඕනි ප්‍රවෘත්ති‍යක් ඉදිරිපත් කරනකොට මොනවගේ දේවල්ද තියෙන්න ඕනි කියන එක.

1. කාලීන වීම.

2.සමීප සහ සම්බන්ධ බව.

3. අදාල බව.

4  බලපෑම. (මේ දවස් වල නම් කොරෝනා කියන්නෙ ලෝකෙටම අදාල ප්‍රවෘත්තියක් නෙ)

5. ආකර්ෂණීය බව.

ප්‍රවෘත්ති ජනතාව අතරට ගෙනියන්නෙ මාධ්‍ය ආයතන. පුරවැසි මාධ්‍යත් අද වෙනකොට ඒ දේ අවිධිමත්ව කරනවා. රූපවාහිනිය, ගුවන්විදුලිය, මුද්‍රිත මාධ්‍ය විතරක් නෙවෙයි අද වෙනකොට අන්තර්ජාලයෙන්ද ප්‍රවෘත්ති වාර්තා කරනවා. 

හැබැයි අද වෙනකොට ප්‍රවෘත්ති කියන්නෙ වාණිජමය ව්‍යාපාරයක් වෙලා. අදාල බවට වඩා මිනිස්සු වැඩියෙන්ම ආකර්ශනය වෙන ප්‍රවෘත්ති ඉදිරිපත් කරන්න ගොඩක් මාධ්‍ය ආයතන කටයුතු කරලා තියෙනවා.

අලියෙක් ලිදකට වැටුණ එක, කඩයකින් බඩු හොරෙන් කරන සීසීටීවී දර්ශන, සියදිවි හානි කරගැනීම් අද වෙනකොට බහුලව නිරතුරුවම වාර්තා කරන ප්‍රවෘත්ති වෙලා තියෙනවා. ප්‍රවෘත්ති වෙනුවට ගොසිප් වාර්තා කිරීමක් අද නිරතුරුවම සිදු වෙනවා.

අන්තර්ජාතික ප්‍රවෘත්ති වල නම් කඳුලු, ලේ සලකුණු, සංවේදී දෑ පෙන්වන්නෙ නෑ. හැබැයි ලංකාවෙ නම් මුල් තැන හම්බෙන්නෙ ඒ වගේ ප්‍රවෘත්ති වලට. 

ගුවන්විදුලි ඉතිහාසය

ගුවන් විදුලි ඉතිහාසය 

ඉතාලි ජාතික ගුග්ලි ගුග්ලි එල්මෝ මාර්කෝනි විසින් 1897 දී ගුවන් විදුලි සංඥා සමාගම එංගලන්තයේ ආරම්භ කරන ලදී 1906 වන විට සැතපුම් සියයක් දුරට ගුවන්විදුලි පණිවිඩ යැවිය හැකි විය. විධිමත් ගුවන් ගුවන්විදුලි වැඩසටහ විදුලි වැඩසටහනක් මුල්වරට ඉදිරිපත් කර ඇත්තේ 1920 දී රුසියාවේ පීටර්ස්බර්ග් විශ්වවිද්‍යාලයේ ය. 1923  අවසන් වන විට ඇමරිකාවේ හයසියයකට අධික ගුවන්විදුලි සේවා පැවතිණි මහා විධානය තුල මෙන්ම ලෝක ඉතිහාසයේ ප්‍රථම වරට ඉතුරු ගුවන්විදුලි සේවයක් ඇරඹෙනුයේ 1922 දී ය එහි සියලුම උපකරණ වල අයිතිය මාකෝනි සමාගම සතු විය 1930 දශකයේ බ්‍රිතාන්‍ය ගුවන් විදුලි සංස්ථාවේ ස්වර්ණමය යුගය ලෙස සමාජ විද්‍යාඥයෝ අවධාරණය කරති. මේ පසුබිම වැදගත් වන්නේ ශ්‍රී ලංකාවේ ද ගුවන් විදුලිය ආරම්භ වූයේ එකම කාලයකදී බව තේරුම් ගැනීම සඳහාය.  1922 දී ලංකා ආධුනික ගුවන්විදුලි  සමාජය නම් වූ මහජන සංවිධානයක් විසින් ගුවන් විදුලිය පිළිබඳ අත්හදා බැලීම් ආරම්භ කර ඇත. පළමු වරට ගුවන් විදුලි ප්‍රචාරයක් අත්හදා බලන ලද්දේ රජයේ විදුලි සංදේශ දෙපාර්තමේන්තුව විසිනි . ඒ සඳහා යොදා ගන්නා ලද්දේ  ජර්මන් සබ්මැරීනයකින්  ගලවා ගන්නා ගුවන් විදුලි සංදේශ උපකරණ තොගයකි. 

ඒ අනුව ප්‍රධාන විදුලි සංදේශ යෙදී ඉංජිනේරු විහාර මහතාගේ මෙහෙයවීමෙන් 1924 ජූනි පළවෙනි දින කරලා ද ගුවන් විදුලි ප්‍රචාරය ප්‍රථම නිල ගුවන් ගුවන් විදුලි ප්‍රචාරය ලෙස සැලකේ එය අනුව මුල් කාලයේදීම ගුවන්විදුලි මාධ්‍ය රාජ්‍යයට හමි  වූ බව පෙනේ 1925 දෙසැම්බර් 10 වැනි දින ලංකාවේ ගුවන් විදුලි රාජ්‍ය ආයතනයක් වශයෙන් විවෘත කරනු ලැබීය මේ ආසියාවේ ප්‍රථම ගුවන් ගුවන්විදුලි සේවයයි.