කොත්මලේ ප්‍රජා ගුවන් විදුලි සේවය
විද්‍යුත් සන්නිවේදනයේ ප්‍රබලතම ක්ෂේත්‍රය ගුවන් විදුලියයි.
යුනෙස්කෝ සංවිධාන ලෝකයේ තිබෙන ගුවන්විදුලි සේවා ප්‍රධාන ශානර හතරක් යටතේ වර්ගීකරණය කර ඇත. (United nations Educational scientific and cultural organization)
පෞද්ගලික හිමිකාරීත්වය සහිත වාණිජ ගුවන්විදුලි සේවා.
(Commercial bordcast channels with private ownership)
රාජ්‍ය හිමිකාරීත්වය සහිත ගුවන් විදුලිය
State - owned Radio
ජාතික මහජන සේවා ගුවන්විදුලි
National public service Radio
විකල්ප ගුවන්විදුලි
Alternative Radio
කොලින් ෆ්රේසර් (colin fraser) හා සෝනියා රෙසට්‍රපො එස්ටාඩා (sonia Restrepo Estrada)
(2001) අනුව මහජන සේවා ගුවන්විදුලි සංකල්පය මත පදනම්ව ප්‍රජා ගුවන්විදුලි සේවා ක්‍රියාත්මක වේ.
සමස්ථ මහජනයාට මහජන සේවා ගුවන්විදුලි ක්‍රියාත්මක වන අතර එම මහජනතාවගේ විවිධ ස්තරයන් තෝරාගනිමින් සුවිශේෂී ප්‍රජා කණ්ඩායමකට ක්‍රියාත්මක වීම ප්‍රජා ගුවන් විදුලිය සිදුකරනු ලබයි.
ප්‍රජාව හඳුනාගැනීම
පොදු ගති ලක්ෂණ සහිත ජන කණ්ඩායමක්
තෝරා ගත් භූමි ප්‍රදේශයක එකට ජීවත් වීම එකම වෘත්තියක හෝ ආර්ථික කාර්යක නියැලීම
එක සමාන සමාජ , ආර්ථික හෝ සංස්කෘතික ස්ථරයට අයත් වීම
යම් පොදු අභිලාෂයන් සහ උවමනාවන් පැවතීම
මෙලෙස ප්‍රජා කණ්ඩායමක දැකගන්නට ලැබෙන මූලික ලක්ෂණ කිහිපයකි.
මෙවැනි ගති ලක්ෂණ සහිත ප්‍රජාවක් අතරින් ප්‍රජා ගුවන් ගුවන්විදුලි සේවයක් බිහිවේ.
ප්‍රජා ගුවන්විදුලිය හැඳින්වීම
ප්‍රජා ගුවන්විදුලි මධ්‍යස්ථානයක් යනු ප්‍රජාව පිළිබඳව ප්‍රජාව විසින් ප්‍රජාව උදෙසා ප්‍රජාව තුළ ක්‍රියාත්මක කරන්නකි.
ලුයී ටාබින්
ප්‍රජා ගුවන්විදුලියක් යනු,
ප්‍රජා සහභාගිත්වය
ප්‍රජා හිමිකාරිත්වය හා කළමනාකාරීත්වය
තෝරාගත් ප්‍රදේශයක් ආවරණය කිරීම
සරල තාක්ෂණයක් භාවිතය
අඩු වියදම
කුඩා කාර්ය මණ්ඩලයක් සහිත වීම
ලාභ නොලැබීම
ප්‍රජා ගුවන්විදුලි සංකල්පයේ ව්‍යාප්තිය
1950 දශකයෙහි බොලිවියාවේ ආකර කම්කරුවන් ගේ හඬ ලෝකයේ ප්‍රථම ප්‍රජා (Voice of miners) සේවය යැයි බොහෝ දෙනා පිළිගැනේ.
උදා - තම්බුලි ප්‍රජා ගුවන්විදුලි - පිලිපීනය
රේඩියෝ සාගර මාතා - නේපාලය
රේඩියෝ සුටාටෙන්ෂා - කොළොම්බියාව
ශ්‍රී ලංකාවේ ප්‍රජා ගුවන්විදුලි සේවා
1977 පසු ශ්‍රී ලංකාවේ ඇති වූ සමාජ ආර්ථික වෙනස්කම් වල ප්‍රතිඵලයක් වශයෙන් මෙරට විද්‍යුත් ඒකාධිකාරිය හිමිකරගෙන සිටී ශ්‍රී ලංකා ගුවන් විදුලි සංස්ථාව ගුවන්විදුලි විකාශන කටයුතු විමධ්‍යගත කිරීමටත් ඒ තුළින් ප්‍රාදේශීය සහභාගිත්වය ගුවන්විදුලි මාධ්‍ය කෙරෙහි ලබා ගැනීමත් සලකා බලනු ලැබීය.
ආසියාවේ ප්‍රථම ප්‍රජා ගුවන් විදුලිය බිහිවූයේ ශ්‍රී ලංකාවේය.
1981 වර්ෂයේ ආරම්භ වූ මහවැලි කඩිනම් ව්‍යාපාරය යටතේ බිහිවන ප්‍රජා ගුවන්විදුලි ලෙස,
මහවැලි ප්‍රජා ගුවන්විදුලිය (1981)
ගිරාඳුරුකෝට්ටේ ප්‍රජා ගුවන්විදුලිය (1986)
කොත්මලේ ප්‍රජා ගුවන්විදුලිය (1988)
ඌව ප්‍රජා ගුවන් විදුලිය (2001-2003)
මහ ඉලුප්පල්ලම ප්‍රජා ගුවන්විදුලිය
කොත්මලේ ප්‍රජා ගුවන්විදුලිය (1988)
මහවැලි ව්‍යාපාරය යටතේ සංවර්ධනය කරනු ලැබූ දෙවන විශාලතම ප්‍රජා ගුවන් විදුලි සේවය වන්නේ කොත්මලේ ප්‍රජා ගුවන් විදුලියයි.
1989 ජනවාරි මස 17 දින මාවතුර ප්‍රදේශයේ ආරම්භ විය.
කොත්මලේ වේල්ල ට ඉහලින් පිහිටි දොරගල ගම්මානේ වසා තිබූ තේ කර්මාන්ත ශාලාවක කාමරයක ඉදිකළ මැදිරියක සිට කොත්මලේ ප්‍රජා ගුවන් විදුලියේ විකාශන කටයුතු ආරම්භ කරන ලදී.
එවකට ඉඩම් සංවර්ධන හා මහවැලි අමාත්‍යව සිටි ගාමණී අතුකෝරළ මහතා විසින් කොත්මලේ ප්‍රජා ගුවන් විදුලි සේවය විවෘත කර ඇත.
මෙය ශ්‍රී ලංකා ගුවන් විදුලි සංස්ථාව හා යුනෙස්කෝවේ අරමුදල් සහිතව එසේම කොළඹ විශ්වවිද්‍යාලය ද අනුමැතිය සහිතව ආරම්භ කොට තිබේ.
මධ්‍යම කඳුකරයේ මාවතුර ප්‍රදේශයේ පිහිටනු ලැබූ කොත්මලේ ප්‍රජා ගුවන් විදුලිය මගින් නාවලපිටිය ගම්පොල හැටන් සහ තිස්පනේ යන නගර හා ගම්මාන 60 පමණ ආවරණය කරනු ලබයි.
කොත්මලේ ප්‍රජා ගුවන්විදුලි මධ්‍යස්ථාන අවට 15km අවට කලාපය තුල හමු වූ බොහෝ දෙනෙක් කොත්මලේ ප්‍රජා ගුවන්විදුලියට සවන් දී ඇති බව කොත්මලේ ප්‍රජා ගුවන් විදුලි ගුවන්විදුලි මධ්‍යස්ථානයේ ස්වේච්ඡා සේවිකාවක් වශයෙන් කටයුතු කළ ඕස්ට්‍රේලියානු ජාතික ටාන්‍යා නෙතලි ප්‍රකාශ කර තිබේ.
කොත්මලේ ජලාශ ඉදි වීමත් සමඟම එම ප්‍රදේශවල ජනතාවගේ පාරම්පරික ඉඩම් ඔවුනට අහිමි වීමත් සමඟ එය අවට පිහිටි තේ ඉඩම් වලින් කොටස් වශයෙන් එම ප්‍රජාවට ලබා දී තිබේ.
මොවුන් මුල් මුල් කාලයේ නම් ගොවිතැන් හා සුළු අපනයන බෝග වගාවන් සඳහා අවශ්‍ය දැනුම ලබා ගැනීමටත්
සමාජ පරිසරවල යහපත් අන්දමින් සමාජ ගතවීමටත්
අවශ්‍ය උපදෙස් ලබා ගැනීමටත්
හොඳ සමාජය තුළ යම් උසස් මට්ටමකට රැගෙන ඒමටත්
යන කාරණා මූලික කොට ගෙන කොත්මලේ ප්‍රජා ගුවන් විදුලි සේවය ස්ථාපිත වී තිබේ.
කොත්මලේ ප්‍රජා ගුවන් විදුලියෙහි ක්‍රියාකාරීත්වය
මුල් කාලයේ නව රාත්‍රි 7.00 සිට 8.00 දක්වා කාලයක් ඉතා කෙටි ගුවන් කාලයක් තුළ විකාශන කටයුතු සිදු කළ අතර පසුකාලීනව රාත්‍රී විකාශනය, ආදී වශයෙන් විකාශනය කටයුතු සිදු කෙරිනි.
No comments:
Post a Comment